Xefe Bankada UDT/FM, Gilman Exposto dos Santos. Imajen/Tatoli

DILI, 26 novembru 2019 (TATOLI) – Bazeia ba desizaun reuniaun líder bankada ohin dadér, Parlamentu Nasionál liuhosi plenária kuarta (27/11), sei fó votu pezar ba Xefe Bankada Parlamentár UDT/FM, Gilman Exposto dos Santos.

“Aban, mate-isin sei lori mai Parlamentu Nasionál hodi halo votu pezar ba señor deputadu hanesan jestu agradesimentu hafoin presta omenájen ikus ba nia”, Vise-Prezidente Parlamentu Nasionál, Maria Angelina Sarmento, informa ba jornalista sira, hafoin reuniaun líder bankada, iha Parlamentu Nasionál, tersa ne’e.

Notísia Relevante: Deputadu Gilman Exposto Hakotu Iis Iha HNGV

Tuir Deputada Bankada PLP ne’e, Deputadu Gilman nia mate halo deputadu sira hela ho sentimentu tristeza.

Nune’e mós, deputadu sira hakfodak tanba Xefe Bankada UDT/FM ne’e hakotu iis iha loron dahuluk debate jeneralidade Orsamentu Jerál Estadu 2020 nian.

Nia mós dehan, aban deputadu sira sei presta omenájen ba Deputadu Gilman Exposto

Jornalistas: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here