Xefe Bankada UDT/FM, Gilman Exposto dos Santos. Imajen/Tatoli

DILI, 25 novembru 2019 (TATOLI)–Vise-Prezidente Parlamentu Nasionál, Maria Angelina Lopes Sarmento, hateten Parlamentu Nasionál (PN) sei presta omenajen ikus ba Deputadu Gilman Exposto dos Santos iha plenária.

Vise Prezidente Parlamentu Nasionál, Maria Angelina Lopes Sarmento. Imajen/Tatoli.

“Depende ba desizaun família atu haloot mate isin bainhira, maibé Parlamentu sei lori mate isin Deputadu Gilman mai (plenária) atu presta omenajen ikus ba nia”, tenik Deputada Angelina iha resentu PN, segunda ne’e.

Notísia Relevante: Diskusaun  no Votasaun Jeneralidade OJE 2020 Adia ba Aban

Tuir Bankada PLP ne’e, família boot PN lakon ona ninia ema ida-ne’ebé durante ne’e fó kontribuisaun maka’as ideia ba nasaun ida-ne’e nia prosperidade.

“Ida-ne’e foin dahuluk iha istória Parlamentu nian, Deputadu ida-ne’ebé en-funsaun serbisu, mate iha tempu atu hahú debate Orsamentu Jerál Estadu. Seidauk akontese iha istória pasadu”, nia subliña.

Entretantu, tuir ajenda ne’ebé iha, abertura diskusaun OJE 2020 jeneralidade ba loron ohin hahú iha tuku 10 dader, maibé tanba lia rekadu ne’e diskusaun orsamentu adia ba aban.

Deputadu Gilman nu’udar membru Komisaun A ne’ebé trata asuntu Konstitusionál no Justisa no Komisaun E ne’ebé trata asuntu Infraestrutura.

Iha partidu, Gilman Exposto hanesan Prezidente Partidu União Democrática Timorense (UDT) dezde fevereiru 2010, troka João Viegas Carrascalão.

Jornalista: Evaristo Soares Martins

Editór: Xisto Freitas

 

HAKEREK NO HATÁN

Please enter your comment!
Please enter your name here