Ministra Edukasaun, Juventude no Desportu, Dulce de Jesus Soares Fahe Material ba Estudante Ijame Nasionál Ano Leitivu 2019, Escola Secundária Teknico Vocasional Tecnolojia Industrial Becora. Imajen/TATOLI

DILI, 25 novembru 2019 (TATOLI)-Ministra Edukasaun, Juventude no Desportu (MEJD), Dulce de Jesus Soares hateten, atu manten prosesu ensinu aprendijazen iha sala-de-aula hodi garante kualidade estudante sira nian, knaar importante Inspetór no Superintendente sira nian tenke hatudu ho dadus tanba avaliasaun dezempeñu servisu sei hatudu iha tinan ida ne’e.

“Ministériu Edukasaun la´ós hanesan ministériu sira seluk tanba ne’e tenke aprezenta rezultadu servisu ida ho ninia faktus. Dezempeñu servisu estudante sira mak sei hatán iha rezultadu ikus ezame nasionál,” hateten Ministra Dulce de Jesus Soares ba dirijente kargu xefia MEJD sira, iha Timor Plaza, ohin.

Ministra konsidera kuandu Inspetór eskolár sira mak hatudu dezempeñu servisu ho responsalblidade, estudante sira sei hatudu ninia rezultadu ida ho loloos no momoos. “Ha’u hakarak valár ida reál la´ós valór ida ne’ebé promesa de’it ho ibun”.

Tanba ne’e, tuir governante ne´e katak dezempeñu kada eskola idaidak nian sei fó kontribuisaun bo’ot ba karreira dirijente inklui superintendente no inspetór eskolór sira. La´ós rezultadu laiha maibé avaliasaun ba dezempeñu hakarak husu muito bom tanba ne’e progresaun kada eskola sei hatudu iha dezembro. “Ha´u hanoin hothotu tenke responsabiliza. Ha’u mós hanesan iha Primeiru Ministru nian oin mak la hetan muito bom tenke simu”.

Ministra Edukasaun Juventude no Desportu, Dulce de Jesus Soares akresenta, iha MEJD kuandu hakarak ko´alia karik tenke iha dadus tanba ne’e mak MEJD iha avaliasaun ba progresaun dirijente eskolár sira nian sei haree iha parte lubuk ida. Portantu, inspetór no superintendente sira foti ona atu hira hasoru dirijenti eskola sira. Se laiha liu tanba saida, sei haree hamutuk.

Labele hanoin de’it katak diretór, adjuntu Gabinete Apoiu Tékniku (GAT) no profesor ne’e sei familia nia la marka prezensa iha eskola mós nonook tiha. “Konfiansa ne’ebé Governu no estadu fó ba ne’e atu iha ninia asaun ka rezultadu. Ne’eduni, Ministériu Eduksaun sei haree tinan ida ne’e asaun atu hira mak foti ona sei tama iha avaliasaun dezempeñu” nia fó hanoin.

Notísia relevante:MEJD Husu Inspetór 90 Serbisu Másimu

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here