Mapa Munisípiu Aileu.

AILEU, 25 novembru 2019 (TATOLI)-Administradór Munisípiu Aileu, João Tilman do Rêgo, hateten maske iha limitasaun oioin maibé nafatin otimista katak Munisípiu Aileu prontu simu polítika desentralizasaun.

“Agora daudauk administrasaun munisípiu hamutuk ho entidade munisípiu nian prepara em termos de téknika no mós institusionál prepara hela hodi simu programa desentralizasaun ne’ebé tuir planu governu daualu nian katak tuir planu posibilidade bazeia ba avaliasaun kondisaun mínimu sei hala’o iha 2020 uainhira munisípiu balun prenxe ona, munisípiu sei tama ba iha 2021 entaun razaun ida ne’e  em termos de munisípiu ami hahú ona preparasaun,” hateten Administrádór João Tilman do Rêgo ba TATOLI iha nia kna’ar fatin Aileu, ohin.

Administradór ne’e hatutan, preparasaun ne’ebé Aileu prepara ona maka iha finanseira tanba munisípiu rasik maka sai na´in hodi elabora, submete no ba diskusaun ba komisaun revizaun téknika no komisaun revizaun pólitika ne’ebé dirije diretamente hosi Primeiru Ministru, Taur Matan Ruak.

Preparasaun ne’ebé Aileu hala’o mós hanesan hametin institusional entre administrásaun munisípiu no servisu Munisípal hothotu liuliu  em termos de ejekusaun orsamentu, lideransa no asuntu seluk.

“Entaun hosi preparasaun sira ne’e hotu ami sempre ko´alia ba governu sentrál katak atu simu prosesu desentralizasaun ne’ebé sei mai iha munisípiu, primeiru governu Sentrál tenke toma konsiderasaun liuliu iha orsamentu tanba orsamentu mak sai baze fundamentál para oinsá prepara infraestrutura bázika nune’e implementa polítika desentralizasaun, iha Munisípiu Aileu laiha dúvida ona,” dehan João Tilman do Rêgo.

Em termos de limitasaun oioin maibé la sai obstákulu para impede prosesu desentralizasaun iha futuru mai. Progresu ba preparasaun ne’ebé Aileu halo ona ha’u seida’uk bele dehan porsentu más liuhosi orsamentu ne’ebé aprovadu liuliu munisípiu Aileu nian ne’ebé maka relasaun ho servisu munisipál ne’ebé delega mai munisípiu mai kedas ho ninia orsamentu no programa ne’ebé indikadu ona, atu hatete katak ami iha minisípiu buat ne’ebé ami hatudu ona maka unidade, servisu hamutuk ho servisu munisipál hothotu,” nia reforsa.

Maske ótimista, maibé iha Munisípiu Aileiu sei falta rekursu umanu. “Ami sei falta rekusu umanu. Situasaun ne’e la’ós akontese de’it ba Aileu maibé iha munisípiu sira seluk mós. Maibé, iha enkontru nível nasionál ami sempre relata no mós prepara mapamentu hodi submete liuhusi Ministériu Administrasaun Estatál ne’ebé maka sai odamatan boot. Realidade maka ne’e mezmu koalia kona-ba programa desentralizasaun ka habadak governasaun ba iha povu maibé  em termos de instituisaun ami iha limitasaun,” autoridade munisípiu ne´e rekoñese.

Lider másimu Aileu ne’e subliña, rekursu ne’ebé destaka iha postu sira másima na´in haat. “Entaun ha’u halo komparasaun iha Aileu katak hosi ema 36 iha administrasaun Munisípiu kobre ho postu administrativu haat; ema ida bele halo atendimentu ba ema rihun 17 ne’e vólume ida ne’ebé boot tebes”.

Ho limitasaun sira ne’e, maibé Aileu iha esperansa ba implementasaun desentralizasaun. “Ami iha Munisípiu ami iha esperansa boot maibé mós husu ba governu sentrál labele halo programa desentralizasaun ne’e sai promesa de’it katak buat ne’ebé sai hanesan promesa iha kampaña eleitóral tenke tau iha planu prioridade tinan lima signifika Oitavu governu ótimista,” tenik autoridade ne´e.

Entretantu, Munisipiu Aileu kompostu hosi postu administrativu haat hanesan Postu Administrativu Aileu vila, Laulara, Lequidoe no Remexio.

Notísia relevante:Aileu Iha Ona Planu Estratéjiku Munisipál

Jornalista:Antónia Gusmão

Editór     : Rafy Belo

HAKEREK NO HATÁN

Please enter your comment!
Please enter your name here