Komisariu KFP, José Telo Soares Cristovão. Imajen/Domingos Piedade

DILI, 22 novembru 2019 (TATOLI) –Komisáriu Komisaun Funsaun Públika (CFP-sigla portugés)  ba Portfolio Forsa  Traballu, Formasaun no Sigap, José Telo Soares Cristovão, ohin, informa, durante semináriu iha loron 20 – 21 novembru, hatudu katak iha Estadu Timor-Leste eziste orden Polítika no orden Burokrátika.

Notísia Relevante :Instituisaun Independente Nia Rekursu Umanu Seidauk Di’ak

Horiseik, ita hahú ho enkuadramentu (Framework) ida katak iha Estadu RDTL eziste orden polítika no orden Burokrátika,” hateten José Telo Soares Cristovão, ohin, TATOLI, liuhosi  WhatsApp.

Nia dehan, orden rua distingue hanesan tuir mai ne’e; primeiru kona-ba polítiku servisu nudár reprezentante soberanu ba valor no polítika sira, segundu, burokrata nu’udar ezekutadór polítika ho efisiénsia, terseiru,  professional konsentra ba ezekusaun professional, kuatru polítiku sira hela ho supervizaun implementasaun no dezempeñu o burokrata sira, kintu burokrata sira bele uza rekursu ne’ebé sira iha hodi define estratéjia ne’ebé sira hodi implementa polítika.

Nia dehan, Estado RDTL Estadu Unitáriu la’ós Estado Federal. Tan ne’e desentralizasaun iha ámbitu Governu Unitáriu.

“Ita iha progresu lubun ida iha prosesu desentralizasaun. Oras ne’e ita  hala’o desentralizasaun territorial/ Desentralizasaun Vertikál iha faze deskonsentrasaun administrativa, inklui mós ita seidauk iha podér lokál maibé iha governu lokál,” nia afirma tan.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here