Ministra Solidariedade Sosiál no Inkluzaun, Armanda Berta dos Santos. Imajen/Egas Cristovão

DILI, 22 novembru 2019 (TATOLI)-Ministra Solidariedade Sosiál no Inkluzaun (MSSI), Armanda Berta dos Santos, hasai ona despaixu hodi ‘demite’ funsionáriu kontratadu MSSI nian iha Munisípiu Viqueque ho inisiál J.F ne’ebé  fa’an foos governu ba interese pesoál.

Notísia Relevante : Deskonfia, Funsionáriu MSSI Viqueque Fa’an Foos Governu

Ministra ninia desizaun ne’e sei vale hahú iha loron 01 fulan-Dezembru 2019, hodi la-autoriza ona funsionáriu ne’e servisu iha instituisaun MSSI Viqueque.

Ministra Armanda Berta dos Santos foti desizaun ne’e tanba funsionáriu ne’e kontinua repete erru ne’e ba datoluk ona.

“Ita halo demisaun ona ba funsionáriu ne’e tanba funsionáriu  ne’e fa’an foos  la’ós foin dala ida, maibé ba dala-tolu  ona,  hanesan iha 2017 saku 20, iha 2018 saka 100, no iha 2019 ne’e mak saka 70,” informa Ministra Armanda Berta dos Santos, hodi responde TATOLI, ohin, iha ninia servisu fatin, Caicoli, Dili.

Ministra Armanda Berta dos Santos  apela ba funsionáriu hotu-hotu atu labele fa’an foos governu ne’ebé fó apoiu ba ema ki’ak no dezastre naturaís ba interese pesoál.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here