Kontra-atake entre AD Maubisse no AC Mamura. Imajen Mídia LFA

DILI, 22 novembru 2019 (TATOLI)–Treinadór klube AD Maubisse, Marcos de Araújo hateten ninia ekipa lakon ho armada AC Mamura tanba laiha médiu ne’ebé oferta bola ba avansadu.

AD Maubisse sofre golu úniku (0-1) liuhusi jogu kontinuasaun Terseira Divizaun Liga Futeból Amadora (LFA) époka 2019 ne’ebé hala’o iha kampu Federasaun Futeból Timor-Leste (FFTL), Bairru Formosa, Dili, sesta ne’e.

“Ami mai atu buka esperiénsia ba tinan oin mai mak foin bele kompete. Ami-nia preparsaun fulan ida de’it mai partisipa kedas jogu ne’e. Ohin ami lakon tanba jogadór barak eskola no balun servisu. Fiar katak tinan oin ami bele kompete di’ak liu,” tenik Marcos.

Entretantu, golu mesak Mamura nian lansa hosi nia jogadór, Marquito Almeda iha minutu 53.

Jogu refere dirije hosi árbitru, Juviano Reis, juiz liña Pedro Braga, Marito Tavares no árbitru Rezerva Vicente Alves.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here