Xefi Sentru Saude Postu Administrativu Iliomár, Leonel Norberto. Imajen/Nelson de Sousa

ILIOMÁR, 21 novembru 2019 (TATOLI)-Sentru Saúde Iliomár, daudaun ne’e,  enfrenta hela  difikuldade  ba ekipamentu médiku nian hodi halo tratamentu ba pasiente sira.

Notísia Relevante : Povu Iliomar Preukupa Ho Kondisaun Estrada

Xefe Sentru Saúde Postu Administrativu Iliomár, Leonel Norberto  hatete, instrumentu  sira ne’ebé mak sei falta mak hanesan  koko tensaun  (tense meter) ho Estetescop (Koko fuan) dalaruma la funsiona hodi koko pasiente sira nia moras tanba materiál sira ne’e tuan hotu ona. Nune’e mós materiál ba lampra haree tilun, matan no materiál Bolaijer  hodi suas labarik hanesan moras azma  mós daudaun ne’e laiha no  oksijena limitadu.

Notísia Relevante : Aldeia Neen iha Iliomár Seidauk Asesu Eletrisidade

“Ida ne’e mak preokupasaun dalaruma tinan ida tomak ami enfrenta,” hateten Leonel Roberto ba TATOLI iha nia servisu fatin, Sentru Saúde Iliomár, kuarta (20/11/2019).

Nia dehan, preokupasaun ne’e sempre hato’o ba superior iha  diresaun ministériu saúde Munisipiu  Lautem,  maibé seidauk iha resposta, tanba ne’e husu ba governu sentrál atu bele tau atensaun ba preokupasaun hirak ne’e.

Xefe Sentru Saúde  Iliomár Leonel Norberto hatutan, sentru saúde Iliomár daudaun ne’e presiza tan médiku jerál, tanba daudaun ne’e seidauk sufisiente.

Sentru refere  iha Médiku Jerál nain tolu, enfermeiru  na’in 10, parteira na’in rua no farmásia na’in tolu.

Postu Administrativu Ilomar, Munisipiu Lautem iha  suku ne’en hanesan Aliebere, Caenliu, Fuat, Iliomár 1, Iliomár 2, ho Trilolo  ho  nia Aldeia 25.

Postu Administrativu Ilomár, Munisípiu Lautem,   luan 302,17 kilómetru (kuadradu), no  iha populasaun 10.976 no totál  uma kain 2.132

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here