Ministru Justisa, Manuel Cárceres da Costa. Imajen/Antonio Goncalves

DILI, 21 novembru 2019 (TATOLI) -Kondenadu eis Ministru Edukasaun, João Câncio Freitas ho kondenadu eis Sekretáriu Estadu Fortalesimentu Institusionál, Francisco  da Costa Soares “Borlaku” la tama iha lista indultu ne’ebé Ministeriu Justisa rekomenda ba Prezidente Repúblika, Francisco Guterres “Lú Olo”.

Notísia Relevante :Governu Haruka Ona Lista Indultu Ba PR

Iha komemorasaun loron proklamasaun independénsia, 28 novembru, Prezidente Repúblika, Francisco Guterres “Lú Olo” sei fó indultu ba dadur sira ne’ebé kumpre ona metade sentensa no komportamentu di’ak.

Ministru Justisa, Manuel Cárceres da Costa, ohin, hateten,  kona-ba kondenadu Francisco Borlaku seidauk to’o tempu atu hetan indultu no kona-ba João Câncio Freitas kompleta ona metade de pena, maibé seidauk hotu.

“Ha’u mós simu karta ida husi João Câncio ninia senora atu haree didi’ak tanba iha ona metade de pena, maibé agora hare fila fali ba lei,” hateten Ministru Manuel Cárceres da Costa, ba jornalista sira, ohin, iha Mistériu Justisa.

Nia dehan, kona ba atu hetan indultu foin daudaun iha prosesu barak la  halimar, nune’e mak nia parte fó ona orientasaun ba diretór rekapitulasaun prizonais atu para ona haruka prosesu ba Ministru Justisa.

Nia hatutan, prosesu dadus sira hotu ne’ebé mak Ministériu Justisa hatama hotu ona iha Gabinete Prezidente Repúblika hodi hetan indultu, se la sala 30 ou 40 resin maibé atu dehan de’it katak prosesu lubuk boot ida mak Ministériu Justisa enkamiña hotu ona ba Prezidente Repúblika.

Nia hatutan, oras nee daudaun kompeténsia iha Prezidente  Repúblika atu aplika komutasaun  pena ba dadur sira ne’ebé mak naran sira hatama ona iha loron hirak liu ba.

Jornalista : Domingos Piedade Freitas

Editór       :  Francisco Simões

 

 

HAKEREK NO HATÁN

Please enter your comment!
Please enter your name here