Emadeskoñesidu soe ayam potong no sosis iha tasi ibun Maumeta, Postu Bazartete, Munisípiu Liquiçá. Imajen/Evaristo Soares Martins

LIQUIÇÁ, 21 novembru 2019 (TATOLI) – Komunidade Aldeia Nartuto, Suku Maumeta, Postu Administrativu Bazartete, Munisípiu Liquiçá, lamenta ho ema deskoñesidu ne’ebé soe arbiru hahan ayam potong no sosis iha tasi ibun.

Reprezentante Komunidade Suku Maumeta, Rogério Alves Pereira, haktuir ema deskoñesidu ne’e soe iha dadersan ohin.

Reprezentante Komuniddae Maumeta, Rogério Alves Pereira. Imajen Tatoli/Evaristo Soares Martins

“Ami lamenta ema mai soe ayam potong no sosis iha fatin ne’e, loloos ne’e fatin soe iha Tibar, tanba bele estraga ambiente tasi”, nia tenik ba Agência Tatoli, kinta ne’e.

Komunidade ne’e deskonfia ema xineza sira maka soe tanba vendedór ne’ebé fa’an ayam potong no sosis iha aldeia refere maioria ema xineza.

Nia subliña, ayam potong no sosis ne’e halo área tasi ibun dois.

Rogério akresenta, iha semana ida ne’e ahi mate lakan, ho razaun ne’e maka halo hahan estragu to’o ema balun soe ba tasi.

Nune’e, nia husu ba Polísia atu koordena ho parte Ministériu Saúde hodi bele investiga, nune’e loron seluk labele mai soe iha tasi ibun.

“Ita lahatene tanba ahi mate mate ka ayam potong no sosis mak liu prazu. Loloos ne’e Polísia tenke halo investigasaun”, nia dehan tan.

Jornalista: Evaristo Soares Martins

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here