Vise-Ministru Saúde, Bonifácio Maukoli dos Reis. Imajen António Goncalves

DILI, 20 novembru 2019 (TATOLI)-Vise-Ministru Dezenvolvimentu Estratéjiku Saúde Bonifácio Maucoli dos Reis dehan, pasiente ne’ebé hala’o tratamentu iha Indonézia daudaun ne’e orsamentu sei ba tarde tanba sei iha prosesa nia laran.

Infornasaun husi adidu saúde katak pagamentu liuliu ba uma ne’ebé pasiente sira hela ne’e hetan problema uitoan tanba pasiente sira seidauk hetan pagamentu. “Ha’u orienta ona Diresaun Nasionál Ospitalár no mós finansa para haree ba kestaun ida ne’e para rezolve lalais,” informa Vise-Ministru, Bonifácio Maucoli dos Reis ba media sira bainhira ramata reuniaun Konsellu-Ministru iha Palásiu Governu, ohin.

Maibé, tuir governante ne´e katak ne’e kabe ba konpeténsia ba Vise-Ministra Kuidadu Saúde Primária no mós nu’udar Ministra Interina Elia dos Reis Amaral tanba kargu ida ne’e tenke iha rotativu no Vise-Ministra Kuidadu Saúde Primária mak asume fali kargu ne’e hahú iha loron 1 novembru to´o agora.

“Alende iha rotativu ba servisu nian maibé ami mós haree hela problema pasiente sira nian iha indonézia hodi rezolve lalais,” hateten Vise-Ministru, Bonifácio Maucoli dos Reis.

Notísia relevante:Pasiente Halo Tratamentu Saúde Iha Indonézia, Kada Loron Ema Ida Hetan 10 USD

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here