Primeiru-Ministru, Taur Matan Ruak prezide Reuniaun Konsellu Ministrus iha Palásiu Governu. Imajen/Tatoli

DILI, 20 novembru 2019 (TATOLI) – Ministra Finansa ein ezersísiu, Sara Lobo Brites aprezenta Projetu Dekretu-Lei kona-ba pagamentu saláriu estraordináriu adisionál fulan ida ba funsionáriu administrasaun públiku sira hotu iha fulan dezembru nia laran.

“Ohin Konsellu Ministru (KM) simu proposta ida hosi Ministra Finansa, kona-ba saláriu désimu terseiru ne’ebé kada tinan ita sempre halo, hodi fó saláriu ba administrasaun públiku sira hotu”, tenik Ministru Estadu Prezidénsia Konsellu Ministru, Hermenegildo Augusto Cabral Pereira iha Palásiu Governu, kuarta ne’e.

Biban ne’e, ezekutivu sira mós aprova Projetu Dekretu Governu kona-ba pagamentu suplementár ba funsionáriu no ajente Ministériu Finansa ne’ebé afeta ba prosesu preparasaun Orsamentu Jerál Estadu (OJE) 2020 no taka Konta Estadu 2019.

“Aprova mós proposta ne’ebé nafatin aprezenta hosi Ministra Finansas, kona-ba pagamentu ajente funsionáriu públiku ne’ebé maka halo preparasaun ba prosesu komplesu tebes ba Orsamentu Estadu 2020 nian”, dehan Ministru.

Jornalista: Hortencio Sanchez

Editór: Xisto Freitas

 

HAKEREK NO HATÁN

Please enter your comment!
Please enter your name here