Vise-Ministru Administrasaun Estatál Abílio José Caetano. Imajen/António Gonçalves

DILI, 19 novembru 2019 (TATOLI) – Vise Ministru Administrasaun Estatál, José Abílio Caetano, hateten selebrasaun loron Proklamasaun Independénsia 28 Novembru ba dala-44, ba tinan ne’e sei realiza iha Dili.

Governante ne’e dehan, razaun seremónia loron istóriku ne’e realiza iha Dili tanba tuir istória loron proklamasaun ne’e hala’o iha Dili Palásiu Governu iha tinan 1975.

Tanba ne’e, ohin Ministru Caetano hamutuk ho Diretór Ezekutivu Sentru Nasionál Chega!, Hugo Maria Fernandes, hala’o sorumutuk ho Primeiru-Ministru, Taur Matan Ruak, hodi atualiza preparasaun iha loron espesiál ne’e.

“Ami hasoru malu ho Primeiru-Ministru atu atualiza de’it preparasaun serimónia 28 Novembru nian atu Primeiru-Ministru mós bele akompaña preparasaun ne’ebé maka sei hala’o”, dehan José Abilio Caetano iha Palásiu Governu, tersa ne’e.

Nia hatutan, iha seremónia ne’e, Prezidente Repúblika, Francisco Guterres Lú Olo maka sei sai hanesan inspetor serimónia.

Orsamentu hodi halo preparsaun ba loron importante ne’e seidauk hatene loloos ninia montante.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here