Diretór Jerál Administrasaun Finansa SEPFOPE, José Assa. Imajen/Hortençio Sanchez

DILI, 19 novembru 2019 (TATOLI) – Komisaun D ne’ebé trata Asuntu Ekonomia no Dezenvolvimentu, deside halo redusaun ba orsamentu ne’ebé aloka ba Sekretaria Estadu Formasaun Profesionál Empregu (SEFOPE) ho montante $249.710.

Antes ne’e, orsamentu ne’ebé prevee ba SEPFOPE iha Proposta Orsamentu Jerál Estadu (OJE) 2020 hamutuk millaun $ 6,990.

“Osan SEFOPE nian ne’ebé redús maka viajen lokál, viajen estranjeiru, aluga karreta, fornesimentu seluk, transferénsia públika, kapital menór no kapital dezenvolvimentu, hosi ne’e maka totál hamutuk $249.710”, dehan Diretór Jerál Administrasaun Finansa SEPFOPE, José Assa ba Agência Tatoli iha Parlamentu Nasionál, tersa ne’e.

Nia dehan, parte ministériu iha nesesidade barak maibé tanba orientasaun Parlamentu Nasionál (PN) ministeriu tenki kumpre.

“Ida ne’e orientasaun Parlamentu Nasionál nian, entaun ami tenke kumpre. Ami mós sei haree fali oinsá hadia programa sira atu nune’e bele halo implementasaun sela’e afeita tebes kuandu osan laiha”, akresenta Diretór ne’e.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here