Defensora Publika, Agostinha de Oliveira. Imajen/Domingos Piedade

DILI, 19 novembru 2019 (TATOLI) – Defensora Publika, Agostinha de Oliveira, ohin, informa, nu’udar defeza ba kliente sira observa katak kliente sira kontinua koopera ho defensór ou defensora atu sira bele hetan justisa iha Tribunal oin.

“Ha’u hanoin dala barak sira koopera di’ak ho Defensor ba idaidak ninia kazu. Kliente sira mós ta’uk loos liuliu ba kazu sira boot ne’e,” informa Agostinha de Oliveira liuhosi mensajen WhatsApp, ohin.

Maske nune’e, haree katak iha balun ne’ebé mak ladún koopera didi’ak ho defensora, maibé kuandu desizaun tun ona mak kliente sira hakfodak hodi konfirma fali sira nia kazu hanesan violasaun seksuál ba menór, omisídiu agravadu no seluseluk tan.

Hatán kona-ba pontualidade hosi kliente sira, nia parte esplika, kuandu ofisial justisa notifika ona kliente sira, mak kliente sira mós to’o ho oras ne’ebé mak merkadu ona hodi tuir julgamentu.

Doutora Agostinha mós esplika kona prosesu akompañamentu ba kliente sira mak bainhira molok hahú julgamentu, nune’e mós ho prezu sira ne’ebé mak iha hela prizaun.

Jornalista : Domingos Piedade Freitas

Editór        : Francisco Simões

 

HAKEREK NO HATÁN

Please enter your comment!
Please enter your name here