Segundu Komandante Polisia Munisípiu Dili, Superintendente Asistente Polisia, Euclides Belo. Imajen/Eugénio Pereira

DILI, 18 novembru 2019 (TATOLI)-Komandu Polisia Munisípiu Dili,  ohin, hala’o ona enkontru koordenasaun ho Ministériu Saúde no Diresaun Nasionál Transporte Terrestre (DNTT) atu halo operasaun hasoru motorista sira ne’ebé kontinua   fuma sigarru hodi kondús karreta no motor.

Notísia Relevante : Labele Fuma Iha Fatin Públiku

Tuir planu hosi Instituisaun tolu ne’e katak operasaun ne’e sei hahú iha tempu besik no remata iha fulan Dezembru 2019.

 “Se motorista fuma sigarru afeta ne’e ba ema seluk nia saúde no bele hamosu asidente tráfiku,” hateten Segundu Komandante PNTL, Munisípiu Dili, Superintendente Asistente Polisia  Euclides Belo, ohin, ba Jornalista sira iha Caicoli, Dili.

Notísia Relevante : PNTL-MS Taka Adezivu Bandu Motorista Transporte Públika Fuma

Nia dehan tan, Komandu PNTL alerta ona  ba membru polisia hotu-hotu atu hahú re-ativa operasaun  ne’e tanba daudaun ne’e simu ona billete infrasaun hosi Ministériu Saúde.

Notísia Relevante : Kontrola Kondutór Fuma Sigarru, PNTL Hein MS Prodúz Billete Infrasaun

Dekretu lei númeru 14/2016 kona-ba rejime kontrola tabaku hodi bandu ema atu fuma iha fatin públiku no karreta laran. Dekretu Lei ne’e vigor  ona tanba ne’e infrasór sira sei sulu multa $ 50.00 bainhira kaer toman fuma iha fatin públiku no karreta laran.

Notísia Relevante : Tabaku Risku Liu Ba Kankru Pulmaun

Molok ne’e, iha loron 29 maiu 2019, Ministériu Saúde liuhosi Departamentu Moras La Hada’et servisu hamutuk ho organizasaun Saúde Mundiál (OMS-TL), PNTL, no Aliansa Nasionál Kontrola Tabaku Timor-Leste (ANCTL-sigla Portugés) Diresaun Nasionál Transporte Terrestre fahe ona adezivu ba motorista sira atu proibidu fuma iha fatin públiku.

Notísia Relevante : Epidemia Fuma Iha Timor-Leste  

Jornalista : Eugénio Pereira

Editór       : Francisco Simões

2 KOMENTÁRIU

  1. PNTL Kontrola 24 jam tama sai Bairo karik hau sente diak, tanba ita iha htu hare Realidade iha Dili laran, Bairo-Bairo Sei akontese nafatin sona, hana no taa malu.

  2. Se bele krk
    Menor idade sira ms kontrola hotu
    Atu Sira labele fuma
    Husu ms kolaborasaun ho Vendedores sira
    Se labarik kiik Sira mk hola labele fo
    Inan aman ms lalika haruku labarik Sira menor idade atu hola sigaru

Leave a Reply to Latu Cancel reply

Please enter your comment!
Please enter your name here