Pasaporte Timor-Leste. Foto espesiál

DILI, 18 novembru 2019 (TATOLI)-Diretór ba Asuntu Konsolár no Komunidade Timorense, Ministériu Negosiu Enstranjeiru no Kooperasaun (MNEK), Célio Fátima Sebastião Vanudo Moniz da Silva hateten, MNEK sei kolabora ho Ministériu Justisa (MJ), akompaña MJ ba to’o iha fatin Lisboa, Inglaterra, Irlandia Norte, sei halo rejistu ba sidadaun ne’ebé iha problema ho pasaporte.

Diretór Nasionál Asuntu Konsulár no Komunidade Timorense-MNEK,  Célio Fátima Sebastião Vanudo Moniz da Silva. Imajen: Nelia Fernandes

“Rejistu hotu depois iha ekipa atu emite fali pasaporte foun ba sira ne’ebé iha problema. Ida ne’e mak MNEK nia papel,” dehan Diretór ba Asuntus Konsolár no Komunidade Timorense, Negosiu Estranjeiru no Kooperasaun, MNEK, Célio Fátima Sebastião Vanudo Moniz da Silva ba Ajénsia TATOLI, iha edifísiu MNEK, Praia dos Coqueiros Dili, ohin.

Nia informa, diaspora iha tinan kotuk sei haruka hela ekipa ida, serbisu MNEK koopera ho MJ haruka ekipa ba iha Filipina hodi ba renova sira-nia pasaporte.

“Edukasaun mós serbisu hamutuk hodi haruka ba iha Filipina, iha mós tinan hirak liu ba ita haruka ba iha Brazil, Portugal hodi ba renova. Ne’ebé, agora daudauk iha ona planu, iha ona koordenasaun ho Ministériu Justiçsa,” katak Diretór Célio Moniz.

Diretor ne´e akresenta, MNEK atu fasilita de’it, serbisu loloos iha parte MJ nian. “Maibé, tanbá dehan Ministeriu Justisa la prevee osan ba rai li´ur, MNEK iha ona Ministru MNEK, Dionísio da Costa Babo Soares aseita ona atu fasilita, selu ekipa ida inklui mós husi Ministeériu Justisa atu desloka ba iha Portugal, Inglaterra no Irlandia de Norte”.

Ho nune’e, tuir nia, deslokasaun seidauk hatene tanbá, seida’uk iha data fiksu no Ministru konkorda ona. “Seida’uk iha data fiksu bainhira atu aranka no bainhira atu ba ne’e seidauk iha, Ministru MNEK konkorda ona atu haruka ekipa ida ba,” katak diretor Célio Moniz.

Notísia relevante:Komunidade Timoroan iha Inglaterra Husu Governu Renova Pasaporte Timor

Jornalista : Nelia Fernandes

Editór         : Rafy Belo

HAKEREK NO HATÁN

Please enter your comment!
Please enter your name here