Ezame nasionál. Ilustrasaun

DILI, 18 novembru 2019 (TATOLI)—Koordenadór Unidade Kurríkulu Nasionáinistériu Edukasaun Juventude Desportu (MEJD), Fernando Mouzinho Gama, hateten prosesu koresaun materia ba rezultadu ezame nasionál ne’ebé hahú iha 22 outubru 2019 remata ona.

Ohin, nia hatutan, Ministériu Edukasaun no Juventude Desportu liuhusi Unidade Kurríkulu Nasionál hahú tama prosesu validasaun hodi junta nota estudante sira-nian husi rezultadu ezame primeiru to’o oitavu periodu.

Prosesu validasaun ne’e  ho intensaun atu ajuda estudante Ensinu Báziku Terseiru Siklu no Ensinu Sekundáriu sira ne’ebé ramata ona sira-nia ezame nasional. Rezultadu husi nota ezame primeiru too oitavú periodu ne’e mak sei junta ho nota husi ezame nasionál nian.

Kóordenadór da Unidade Kurríkulu Nasionál neé infroma, sistema validasaun nee atu halo konjulgasaun husi nota primeirú to’o oitavu periodu nian.  Signifika Ensinu Báziku nian foti husi nota setimu to’o nonu anu no sekundária nian foti husi desimo to’o desimo segundu.

“Nota sira ne’e iha hotu ami-nia liman ona. Agora ami presiza tempu too inisiu dezembrú hodi kompleta prosesu validasaun ne’e,” dehan Fernando Mouzinho Gama Ajénsia TATOLI liuhusi entrevista iha ninia knaar fatin Ministériu Eduasaun, Vila Verde, Dili, segunda (18/11/2019).

Ne’eduni, nia hatutan, data prevista ba  prosesu validasaun ka konzulgasaun ne’e sei ramata iha 3 dezembru 2019 no 5 dezembru 2019 posibelmente tenke entrega ona rezultadu ba eskola sira atu anunsia ba públiku. Portantu, nia dehan, totál estudante na’in hira mak tuir ezame nasionál no hirak mak la tuir sei iha prosesu nia laran.

“Prosesu validasaun ne’e kuandu ramata ona iha loron 3 dezembru mak mak ita foin hatene estudante hira mak tuir no hira mak la tuir. Maibé, ita seidauk bele identifika tanba agora mós prosesu faze daruak sei lao hela,” nia dehan.

Tuir nia, katak prosesu kona ba ezame nasional nian sei lao hela. Ba estudante hirak ne’ebé mak sei la mai tuir ezame nasaionál to’o anunsia rejultadu kategoria aujente. Ne’eduni UCN hein nafatin estudante sira, atu nune’e sira bele kontinua mai kompleta ezame nasionál atu bele prosesa hodi konzulgasaun.

Notísia relevante:MEJD Halo Abertura Ezame Nasionál Iha ESTV-GTI Becora

Jornalista: Tomé Amado

Editór     : Rafy Belo

HAKEREK NO HATÁN

Please enter your comment!
Please enter your name here