Prosesu aprendizajen iha sala aula estudante EBF Eraulo nú.230. Imajen Tatoli/António Gonçalves

DILI, 18 novembru 2019 (TATOLI)—Koordenadór Unidade Kurríkulu Nasionál Ministériu Edukasaun Juventude no Desportu, Fernando Mouzinho Gama, infroma estudante 300.000 iha teritóriu tomak partisipa ona ezame lokál ne’ebé hanaran ezame pasajen ne’ebé realiza ona iha 18 novembru 2019 ne’ebé sei ramata iha loron 23 dezembru 2019.

Nia hatutan, partsipasaun estudante sira iha ezame lokál ne’e husi estudante  primeiru to’o oitavu anu eskolaridade. Ezame ne’e hetan kooperasaun di’ak ho dirijentes eskola iha munisípiu sira hotu tanba ne’e mak prosesu ne’e bele realiza ho di’ak.

“Ha’u halo observasaun iha eskola 4 de Setembru UNAMET, haree estudante no profesór sira apoiu malu iha ezame ne’e rasik,” dehan Koordenadór Unidade Kurríkulu Nasionál Ministériu Edukasaun Juventude no Desportu, Fernando Mouzinho Gama, ba Ajéncia TATOLI liuhusi entreviata iha nia knaar fatin MEJD, Vila Verde, segunda (18/11/2019).

Maibé, nia eslarese, Ministra Edukasan Juventude no Desportu Dulce de Jesus Soares tuir informassun sei halo mós observasain direta ba eskola iha Dili laran maibé seidauk hatene eskola ne’ebé mak ministra sei vizita.

Entertantu, nia iforma, husi dadus estudante rihun 300 seidauk hatene loloos totál estudante na’in hira mak tuir no na’in hira mak la tuir ezame lokál. Ba kestaun ne’e, nia haktuir, parte ministériu sei hein fila fali informasaun husi parte eskola nian mak aprezenta relatóriu mai ministėriu atu nune’e bele toma konsiderasaun.

Jornalista : Tomė Amado

Editór       : Rafiy Belo

HAKEREK NO HATÁN

Please enter your comment!
Please enter your name here