Prezidente KI, Virgilio Guterres akompaña hosi membru KI, José Ximenes iha serimonia ida foin lalais ne'e. Foto KI

DILI, 16 novembru 2019 (TATOLI) – Prezidente Konsellu Impresa (CI, sigla portugés), Virgílio da Silva Guterres, hateten CI hahú loke períodu renovasaun ba kartaun karteira profisionál hahú husi 15 novembru to’o 15 dezembru 2019.

“Husu ba maluk jornalista sira ne’ebé hetan ona kartaun karteira profisionál ona nia prazu atu hotu ne’ebé hakbesik aan ba Konsellu Imprensa atu rejistu hodi halo extensaun ba sira-nia kartaun karteira profisionál”, Prezidente CI informa iha salaun Asosiasaun HAK, Faról, ohin.

Prezidente ne’e friza fó sai ona avizu katak jornalista sira-nia karteira profisionál mate bele kontaktu CI atu halo foun.

Jornalista sira ne’ebé simu ona karteira profisionál ne’e sei inválidu iha 20 dezembru tinan ne’e. Nune’e, CI halo renovasaun ho rekizitu ne’ebé persiza kompleta atu hodi prosesa karteira profisionál foun maka hanesan, bele lori karteira profisionál tuan no foto koloridu 4×3 tahan 1.

Jornalista timoroan sira hosi mídia imprime, eletrónika no online hamutuk 216 hetan ona karteira profisionál hosi Konsellu Imprensa Timor-Leste iha 20 dezembru 2017.

Atribuisaun karteira profisionál ba jornalista 216 tanba sira hotu serbisu liu tinan lima ona.

Sobre karteira profisionál, iha estutu CI artigu 50 hatete fó karteira profisionál ne’ebé regula iha dekretu lei númeru 2 artigu 13 Lei Komuniksaun Sosiál maka atribui karteira ne’e ba ona jornalista timoroan hamutuk 21 6.

Jornalista : Florencio Miranda Ximenes
Editora : Maria Auxiliadora

HAKEREK NO HATÁN

Please enter your comment!
Please enter your name here