Diretór Jerál Administrasaun no Finansa, MEJD, Abrão do Santos. Imajen: Tomé Amado

OE-CUSE, 15 novembru 2019 (TATOLI)-Reprezentante Ministra Edukasaun Juventude no Desportu (MEJD), Diretór Jerál Administrasaun no Finansa Abrão dos Santos hateten, MEJD prosesa ona atu halo transfarénsia orsamentu retroativu 2019 nian ba autoridade RAEOA (Rejiaun Administrativu Espesiál Oecuse-Ambeno) hodi aselera prosesu pagamentu  ba profesór 116 iha Oe-cuse.

“Orsamentu retroativu ne’e Ministériu Edukasaun aselera depois Governu sentrál halo tiha asina ka akordu nota intendimentu ho RAEOA,” Diretór Abrão dos Santos ba jornalista sira iha Salaun Ministériu Edukasaun Santa Rosa, Oe-Cusse, ohin.

Notísia relevanteRAEOA Agradese MEJD Tanba Bele Rezolve Ona Problema Pagamentu Retroativu

Maske la detalla kona-ba totál orsamentu ne´ebé mak governu sei aloka maibé nia konfirma katak MEJD oras ne´e daudaun halo ona prosesu osan retroativu nian ne´e atu profesór sira iha RAEOA atu bele hetan sira-nia direitu retroativu 2011-2012 nian.

Iha parte seluk, Diretór Rekursu Umanu no Finansas, António Bouqui Fae dehan konfirmassun entre parte rua kontinua lao nafatin iha liña kontaktu nia laran tan ne’e RAEOA sei hein tranfarensia ne’e. Portantu osan seidauk tama maibé iha ona prosesu nia laran.

Alende ne’e, reprejentante autoridade  RAEOA ne’e informa katak ninia parte mós iha tan lista  profesór reformadu 42 mak to’o agora seidauk hetan direitu. Ne’e duni nia sei aprejenta lista ne’e ba parte kompotente hodi tau iha konsiderasaun.

Notísia relevante:MEJD Asina Nota Tranferénsia Pagamentu Retroativu ba Profesór RAEOA Na’in-166

Jornalista : Tomė Amado

Editór      : Rafy Belo

HAKEREK NO HATÁN

Please enter your comment!
Please enter your name here