Estádiu Dili. Foto Google.

DILI, 15 novembru 2019 (TATOLI) – Governu liuhosi reuniaun ordinária hosi Konsellu Administrasauun Fundu Infraestrutura (CAFI, sigla portugés) deside ona hapara kontratu ho Empreza Marino Entreprieses tanba ezekusaun projetu reabilitasaun estádiu munisipál Dili atrazu tebes no laiha kapasidade finanseira atu konklui obra.

“Inspesaun Jerál Estadu (IJE) liuhosi aprezentasaun relatóriu averiguasaun ba projetu reabilitasaun estádiu Dili, rekomenda atu konklui ona kontratu, nune’e atu halo aprovizionamentu ba empreza seluk atu kaer prosesu ne’e”, Ministru Prezidénsia Konsellu Ministru, Agio Pereira ba jornalista sira iha Ministériu Finansa, Aitarak-Laran, ohin.

Tanba ne’e, Sekretáriu Estadu Juventude no Desportu (SEJD) mai husu CAFI atu aprova pedidu konklui kontratu, nune’e bele aselera prosesu estádiu Dili, tanba tinan oin sei iha jogu Comunidade dos Países de Língua Portuguesa.

Entretantu, Governu konsege selu ona ho porsentu 70 ba empreza, konstrusaun estádiu Dili, hahú iha 2015 ne’ebé kaer husi empreza lokál, Marino Entreprises, Lda, ho valór millaun $1,5.

Notísia relevante : Governu sei Deside Hodi Hapara Kontratu Empreza Marino Entreprises ba Estádiu Dili

Jornalista : Zezito Silva
Editora : Maria Auxiliadora

HAKEREK NO HATÁN

Please enter your comment!
Please enter your name here