Advogada privadu, Adelina Maluk Lobo. Imajen/Domingos Piedade

DILI, 15 novembru 2019 (TATOLI) –Defensor ou advogadu ne’ebé fó asisténsia legal ba nia kliente sira iha responsabilidade atu kontinua akompaña nia kliente ne’ebé kumpre hela sentensa iha prizaun.

Advogada privada, Adelina Maluk Lobo, hateten, defensór sira  tenke akompaña nia kliente iha prizaun Becora, Gleno ho Suai, atu nune’e bele iha informasaun ba sira nia komportamentu no karik balun tenke halo rekursu ba sira nia prosesu.

Advogada Adelina Maluk Lobo, nia kliente na’in 16 mak kumpre hela pena iha prizaun laran no na’in tolu mak iha posibilidade atu halo rekursu extra ordináriu.

Daudaun ne’e Advogada Adelina halo hela konsulta autos atu bele fó asisténsia ba nia kliente balun, liuliu sira ne’ebé kategoria prizaun preventiva.

Nia hateten, hosi nia kliente na’in 16 ne’e,  balun hetan provas insufisiente maibé sira hetan kondenasaun, maibé hetan kondenadu ba pena ne’ebé hanesan, no iha balu ne’ebé tribunal la konsidera sirkunstánsia.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here