Sekretáriu Jerál Partidu CNRT, Francisco Kalbuadi Lay. Imajen dok. TATOLI

DILI, 15 novembru 2019 (TATOLI) – Partidu Kongresu Nasionál Rekonstrusaun Timorense (CNRT, sigla portugés) kongratula Prezidente Região Administrativa Especial Oe-Cusse Ambeno no Zona Ekonomia Espesiál Sosiál Merkadu (RAEOA-ZEEMS), José Luis Guterres “Lugu”.

Sekretáriu Jerál Partidu CNRT, Francisco Kalbuadi Lay, sente haksolok no onra tebes simu Lugu iha sede CNRT, Bairo-Formoza, ohin, hodi hato’o votu parabéns no susesu hodi serví Oe-Cusse durante mandatu.

“Ami só kongratula de’it no troka impresaun, antes prezidente RAEOA-ZEEMS bá serbisu iha Oe-Cusse”, dehan.

Partidu CNRT fiar katak Lugu hanesan ema esperiente ida, dezde uluk, asume kargu ministru, vise primeiru-ministru, nune’e mós ema diplomata.

“Sorumutu ida ne’e hatudu tan dala ida katak AMP liuliu CNRT fó apoiu ba prezidente foun”, afirma.

Entretantu, Lugu sei prioritiza Oe-Cusse oan ho maioria atu ukun inklui sekretáriu rejionál mós ema Oe-Cusse.

Notísia relevante :Antes bá Oe-Cusse Prezidente RAEOA Sei Vizita Instituisaun Estadu no Igreja

Jornalista : Zezito Silva
Editora : Maria Auxiliadora

HAKEREK NO HATÁN

Please enter your comment!
Please enter your name here