Embaixadór Australia mai Timor-Leste, Pitter Robert, entrega simbolikamente apoia ekipamentu Bombeiru ba Diretór Jerál Sekretáriu Estadu Protesaun Sivíl, Ismael da Costa Babo. Imajen/Nelson de Sousa

DILI, 15 novembru 2019 (TATOLI)-Governu  Austrália, ohin, entrega apoia  ekipamentu   servisu bombeiru nian  ba Sekretária Estadu Protesaun Sivíl (SEPS).

Ekipamentu Bombeiru ne’ebeé apoia hosi Australia. Imajen/Nelson de Sousa

Serimónia termu entrega ne’e halo hosi Embaixadór Australia mai Timor-Leste, Pitter Robert, ba Diretór Jerál Sekretáriu Estadu Protesaun Sivíl, Ismael da Costa Babo, iha Edifísiu SEPS, Caicoli, Dili.

Ekipamentu hirak ne’e hodi bele  utiliza ba guarda bombeiru atu kombate inséndiu, evakua vítima kanek ou mate iha inséndiu laran, matéria hodi  harahun uma ruma afeta hosi dezastre ema iha laran sai ladi’ak  bele halo rebenta hodi evakua  vítima no ekipamentu sira seluk tan.

Diretór Jerál SEPS, Ismael da Costa Babo, lori governu nia  naran hato’o agradese ba governu Austrália nia solidariedade apoiu ba SEPS atu bele fasilita servisu SEPS nian, liuliu guarda bombeiru sira odi salva vítima sira hosi dezastre no inséndiu.

Embaixadór Pitter Robert  afirma, Governu Austrália kompromete kontinua servisu hamutuk ho SEPS hodi  fó apoiu haree ba servisu bombeiru nian, tanba importante tebes hodi presta servisu ba povu no salva  bainhira mosu dezastre ruma.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here