Atividade dadur sira iha Prizaun Gleno. Imajen Tatoli/António Gonçalves

DILI, 14 novembru 2019 (TATOLI) – Atu bele hetan guia de pena ba liberdade kondisionál, maka dadur sira tenke hatudu kompartamentu di’ak iha prizaun laran.

Notísia Relevante : Lista Dadur Atu Hetan Indultu La Inklui Eis Membru Governu

Defensor Públiku, Rui Guterres, husu ba dadur sira iha Prizaun Becora, Gleno ho Suai, atu kontinua halo reflesaun no hakribit sala hotu ne’ebé sira komete. Hatudu komportamentu di’ak no disiplina.

Ba jornalista sira iha Tribunal Distritál Dili (TDD), ohin, Rui Guterres, esplika, bazeia ba lei númeru 14/2014 , katak tenke fó liberdade kondisionál ba dadur sira ne’ebé mak hatudu nia komportamentu di’ak. Ne’e hatudu Estadu nia seriedade atu tulun dadur sira hakribit sala no fila ba moris iha dalan loos.

Iha parte seluk Diretór Estabelesimentu Prizaun Becora, João Domingos, mós hateten, kada fulan parte Prizionál sempre halo relatóriu ba Tribunal hato’o pedidu oinsá atu fó liberdade kondisionál  ba dadur sira ne’ebé komportamentu di’ak no kumpre ona metade pena.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here