Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál, Lere Anan Timur. Imajen Tatoli/Egas Cristóvão

DILI, 13 novembru 2019 (TATOLI)–Xefe Estadu, Francisco Guterres Lú Olo, preokupa ho kontijente FALINTIL-Forsa Defeza Timor-Leste (F-FDTL) ne’ebé sei hala’o misaun manuntesaun pás Organizasaun Nasaun Unida (ONU) ho bandeira nasaun seluk ninian.

“Prezidente Repúblika preokupa ho kontijente F-FDTL ne’ebé sei hala’o misaun manuntesaun pás ONU nian ho bandeira nasaun seluk ninian. Preokupasaun ne’e liuliu relasiona ho administrasaun, serbisu no dezastre ruma ne’ebé ita-nia kontijente hasoru bainhira hala’o misaun iha ema-nia nasaun”,  Xefe Estadu Maiór Jenerál F-FDTL, Majór Jenerál Lere Anan Timur hato’o asuntu ne’e hafoin enkontru semanál ho Xefe Estadu iha Palásiu Prezidente Nicolau Lobato, Bairru Pité, Dili, ohin.

Xefe Estadu Maiór Jenerál hateten katak Prezidente preokupa ho situasaun no husu Governu bele regula asuntu ne’e ho lei.

“Iha tempu badak, ofisiál F-FDTL sei integra iha kontijente Portugál ba misaun pás ONU ninian”, Lere informa.

Komandu F-FDTL harii Sentru Treinamentu Apoiu Pás iha tinan-2018 nia rohan, hodi prepara membru F-FDTL partisipa iha misaun ONU nian iha nasaun seluk.

Hisi sentru ne’e, iha ona ofisiál kualifikadu hamutuk na’in-45 liuhusi kursu internasionál sira, semináriu no ezersísiu internasionál 4, vizita Kuartél Jerál Nasaun Unida dala-2.

Iha oportunidade enkontru ne’e, Majór Jenerál Lere Anan Timur informa katak kritériu ba rekrutamentu membru foun F-FDTL ninian tenke tuir lei no nórma aprova husi Governu atu instituisaun bele halo tuir, la depende ba nia komandante ida-idak nia hakarak.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here