Xefe UN Women, Sunita Caminha. Foto Tatoli/Egas Cristovão

DILI, 13 novembru 2019 (TATOLI)-Diretora Reprezentativu, UN Women, Timor-Leste (TL), Sunita Caminha hateten, feto no mane “hamriik hanesan” ka iha oportunidade hanesan atu partisipasaun iha vida polítika, sosiál no ekonomia, iha instituisaun sira, tantu privada no públika tanba seguru no dame.

“Prosesu polítika no dezenvolvimentu hanesan iha Parlamentu no direitu ba kargu no espasu ba sosiedade sívil atu hakaben iha dalan signifikadu. Fundasaun ne’e rasik la fó progresu, maibé sira rekere no mós sira  favorese ba ambiente,” hateten Sunita Caminha iha ámbitu konferénsia Internasionál kona-ba ODS (Objetivu Dezenvolvimentu Sustentável 16, iha edifísiu Ministériu Finansa, Aitarak laran, kuarta ne´e

“Iha Timor-Leste bele haree favorese ambiente iha elementu tolu ne’ebé mai hamutuk atu fasilita progresu no mudansa ne’ebé ita haree ona,” reforsa tan Diretora Reprezentativu, UN Women, Sunita Caminha.

Elementu tolu ne´e, tuir Diretora Reprezentativu, UN Women TL Sunita Caminha katak primeiru mak kna’ar polítiku nível altu ne’ebé fó prioridade ba igualdade jéneru ne’ebé iha tensaun ba trajetu hanesan mós esforsu firme, iha mudansa feto ho forte no mós amizade sosiedade sívil no iha kolaboradu servisu parseiru no amizade nakloke hosi nivel lokál to’o internasionál no setór sira.

Rezultadu hosi fundasaun fasilitasaun fatór ne’e, ita bele haree ajenda feto iha pás no seguru hanesan dalan ba avansa versaun ODS 16 ba dame no sosiedade inklusivu. Timor-Leste nia komprímisiu ba asaun nasionál, reflete valór ajenda dame, seguransa no haree oinsá nasaun bele konekta besik liután ba sosiedade ne’ebé livre hosi violénsia, nune’e atu ilustra buat ne’ebé signifika kona-ba asaun.

“Ha’u hakarak akresenta rezultadu ne’ebé ita haree ona, liu hosi implementasaun hosi ajenda. Primeiru mak iha comitment (kompromísiu) polítika nível altu, ita haree ne’e fasilita legalidade barak no desizaun polítika ne’ebé halo ona sein diskriminasaun no kualidade hanesan fundasaun hosi ba harii pás iha sosiedade,” katak nia.

Sunita Caminha hateten katak, iha konstituisaun iha valór artigu espesífikuku ba igualdade jéneru (Artigu 17), iha Timor-Leste ratifika konvensaun ne’ebé ba eliminasaun ka diskriminasaun hasoru feto sedu, depois restaura independénsia no mós iha planu asaun no feto dame no seguru adopta iha 2016.

Tinan lima to’o ba iha ODS ne’e, Timor-Leste atualmente supreza maizumenus globál iha termu reprezentante feto iha Parlamentu ne’ebé 40% aas liu globál, maizumenus 24% de’it, alkanse. “Ne’e la’os de’it iha polítika nian, maibé hanesan medida temporáriu ne’ebé foti iha 2004 atu asegura katak 25% feto iha parlamentu nune’e hatudu duni katak sa’e tan ba 33% iha 2007”.

Nia hatutan, Sekretáriu Jerál ONU ho nia relatóriu rekoñeese ho valór no kualidade jéneru ne’ebé hetan no medida temporária efetivu  komprova reprezentasaun feto iha governu.

“Serteza haree andamentu ne’e hanesan dalan atu hasoru, dala ruma tau feto iha kotuk no agora iha kualifikadu reprezentativu sira iha númeru hosi desizaun asaun ba avansa igualidade jéneru no halakon violénsia”.

Comitment sai posibel akontese tanba iha elementu segundu hosi movimentu forte hosi feto no solidariedade hosi lider feto no mane, ne’ebé rekoñese igualdade jéneru hanesan komponente ba harii estadu no hanesan kontribui mundu ba iha independénsia hosi sosiedade no partisipasaun koletiva hotu ba iha determinasaun rasik, agora tama ona iha dezenvolvimentu sustentável”.

Feto iha Timor-Leste, tuir Diretora Reprezentativu, UN Women ne’e katak  respeitadu ona no iha kompromísu la’o tuir tempu ba oin no bele akresenta katak feto iha nivel lokál.

“Ezemplu kongresu primeiru feto ne’ebé hala’o iha marsu 2000, lori ba estabelese espesifiku unidade jeneru iha misaun ONU iha Timor-Leste no ne’e bazeia ba rekomendasaun iha ne’eba. No mós ita haree katak iha buat signifikativu ne’ebé rekonese violensia kontra feto ne’ebé mós ligadu ho movimentu feto no ajuda ona hodi aselera adopsaun hosi lei no asaun nasaun hasoru problema ne’e”.

Tuir Diretora Reprezentativu, UN Women, Timor-Leste, Sunita Caminha katak,  Governu Timor-Leste rekonhese violensia hanesan bareira signifikadu  ba dezenvolvimentu.

Ita haree ona iha revizaun voluntáriu nasionál no espasu atu diskute no identifika dalan relasiona ho violénsia jéneru inklui abuzu seksuál reflete koneksaun no espasu ne’ebé eziste iha sosiedade no feto ba organizasaun no performa desizaun públika no dialogu ne’e hanesan elementu terseiru, ita presiza parseiru no kolaborasaun ne’ebé esensiál iha ajenda ODS, nune’e ba iha Timor-Leste nia istória valoriza ona kualidade iha sosiedade no buat sira ne’ebé nasaun hasoru ona.

“Sekjen ONU akresenta suporta iha rezolusaun ida ne’e ba iha comitment hosi feto, ba  partisipasaun foti desizaun no rezolve konflitu no rekoñese espesífiku violénsia ne’ebé feto hasoru no rekere protesaun durante konflitu hanesan mós feto nia kna’ar ba harii no sustenta pás iha sosiedade no prevene konflitu futuru,” nia konklui.

Notísi relavente:Marina Berg: “Atinje ODS 16 Presiza Iha Kondisaun Demokrasia Ida Di´ak”

Jornalista : Nelia Fernandes
Editór       : Rafy Belo

HAKEREK NO HATÁN

Please enter your comment!
Please enter your name here