DILI,13 novembru 2019 (TATOLI)-Moras ne’ebé mak rejistu iha Klínika Bairru-Pité (KBP) durante outubru mak infeksaun vias respiratoriu  isin katar no tuberkuloze.

Jestór Klínika Bairru-Pité, Inácio do Santos. Imajen: Felicidade Ximenes

Klínika Bairru Pite iha outubru rejistu infeksaun vias respiratória mane 61, feto 58, hamutuk 119. Isin katar mane 24, feto 19, hamutuk 43. Tuberkuloze mane 25, feto 19, hamutuk 44,” relata Jestór Klínika Bairru-Pité, Inácio do Santos ba Ajénsia TATOLI  iha nia kna’ar fatin, ohin.

Notísia relevante: Infesaun Respiratória No Dermatolojia Rejistu Aas Iha Klínika Bairru-Pité

Jestór Inácio dos Santos informa, Klínika Bairru-Pité atende inan isin rua menus tanba agora dadaun partus iha klinika ne’e la iha ho ida ne’e mak menus no sira halo atendimentu de’it depois partus no antes partus hodi halo mós vasinasaun ba bebé sira.

Inan isin rua ne’ebé besik atu partus ne’e no mós sira seluk hela fulan-ida ka fulan-rua Klínika Bairru-Pité tenke refere sira ba iha kontrola sentru saúde seluk para sira halo partus iha ne’ebá. Maske nune´e, tuir jestór ne´e katak atendimentu la iha ne’e signifika fó partus ne’e loke internamentu agora daudaun husi fulan-setembru mai internamentu  sira taka tanba problema finanseiru entaun taka temporariamente.

“Ami lahatene ba oin governu suporta ka lae? Ami seidauk hatene loos se suporta ami loke fila-fali, se lae ami halo konsulta ambulatóriu deit. Pasiente ne’ebé baixa (interna) iha internamentu hanesan partus baixa TBC no mós ba iha má nutrisaun sira ne’e totalmente paradu hotu tanba orsamentu la iha,” hateten jestór Klínika Bairru-Pité.

Kona-ba ai-moruk, Jestór Klínika Bairru-Pité, Inácio dos Santos informa katak sei sufiente tanba númeru atendimentu ba internamentu  la iha entaun ai-moruk mai husi Servisu Autonomo Medikamentus Ekipamemtu Saúde (SAMES) ne’ebé suporta sira.

Depois taka internamentu sira foka ba konsulta ambulatóriu de’it ne’ebé mai foka liubá prevensaun no mós problema agora daudaun sira hasoru mak la iha finanseiru atu finansia ba funsionariu sira mai loroloron tanba funsionariu balun paradu labele mai no funsionariu balun mak tama no funsionáriu balun tama ne’e husu sira atu apoia transporte hanesan osan.

“Ami iha funsionáriu 94 no krize finanseiru iha maiu nia laran ne’e sira nain-neen mak para no sira seluk kontinua nafatin to´o fulan-agostu no sira seluk ne’ebé ativu ho ami iha ne’e la to´o 20 itál,” informa tan jestór ne´e.

Notísia relevante:Klínika Bairru-Pité Haruka Pasiente Tuberkuloze Pozitivu Ba Tibar Tratamentu To´o Negativu

Jornalista: Felicidade Ximenes

Editór     : Rafy Belo

HAKEREK NO HATÁN

Please enter your comment!
Please enter your name here