Diretór ESG An-nur, Luís Amaral do Rego. Imajen: Nelia Fernandes

DILI, 13 novembru 2019 (TATOLI)-Estudante Eskola Sekundária Jerál (ESG) An-nur hamutuk na’in 728 sei partisipa iha ezame pasajen klase ba tinan létivu foun, ne´ebé sei realiza iha segunda (18/11).

Diretór ESG An-nur, Luis Amaral do Rego relata katak dadus estudante na´in 728 ne´e mak desimu ho primeiru ano.

“Estudante ida ne’ebé lá tuir ezame pasajen klase seidauk hatene, tanba agora prosesu la´o hela, hanesan estudante mai foti númeru ezame nian, karik ba loron segunda estudante ne’ebé la mai, entaun ita foin hatene estudante na’in hira mak lá tuir ezame pasajen klase,” hateten Diretór Luis Amaral do Rego ba Ajénsia TATOLI, Kampun Alor, Dili, kuarta ne´e.

Kona-ba prosesu preparasaun ezame paisazen klase,  tuir ezekutivu ne’e katak ba tinan 2019 prepara másimu. “Ami-nia preparasaun ba ezame pasajen klase prepara másimu, hanesan meza, kadeira, sala-de-aula, matéria ba loron ezame nian”.

“Karik ami-nia meza, kadeira la to´o, ami buka meius para to’o no prepara mós kona-na matéria ezame nian husi matéria hothotu, katak ami prontu ba iha ezame segunda mai, bele lao susesu,” nia kompromete.

Nia reforsa, preparasaun ne´e la´ós ba matéria ezame, kadeira no meza de’it. “Maibé buat hirak ne’ebé relasiona ho ezame pasajen klase, ida ne’e mak agora daudaun ami prepara”.

Notísia relevante:

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here