Karta Kondusaun.

DILI, 13 novembru 2019 (TATOLI) – Xefe Departamentu Karta Kondusaun Diresaun Nasionál Transporte Terrestre (DNTT), Florentina Bento Alves Pereira, hateten hahú iha 16 setembru to’o novembru 2019, DNTT emite ona karta kondusaun orijinál ba motorista no kondutór sira hamutuk 7.450.

“Hahú husi 16 setembru to’o 11 novembru 2019, ami konsege emite ona karta kondusaun orijinál ba motorista sira hamutuk 7.450”, informa nia ba Ajénsia Tatoli via-telefónika, ohin.

Maske nune’e, Florentina Alves mós preokupa departamentu karta kondusaun iha Hera-Akanunu, durante ne’e fó atendimentu ba públiku ho di’ak, maibé menus ekipamentu ka komputadór iha tolu de’it, tanba ne’e presiza husu atu aumenta, nune’e mós funsionáriu sira limitadu ka haumutuk ema na’in-23.

”Reskursu ne’ebé koloka iha ne’e limitadu tebes, liuliu ba funsionáriu sira ne’ebé atu atende ezame ba teória no prátika ba teste karta kondusaun, nune’e hosi dirijente DNTT sira fó atensaun ona soké seidauk iha resposta”, hateten.

Tanba ne’e, nia husu ba Governu atu suporta ekipamentu ne’ebé di’ak hanesan komputadór hodi hafásil halo atendimentu públiku ho lais no di’ak liután ba ema sira ne’ebé maka trata dokumentu.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here