Primeiru-Ministru, Taur Matan Ruak (Klaran) Akompaña husi Xefi Negosiador Fronteira Maritima no Terestre, Xanana Gusmao (karuk) no eis Presidenti RDTL, Ramos Horta (loos) Ministru Estadu Prezidénsia Konsellu Ministrus, Hermenegildo Augusto Cabral (loos) Lansamentu Partisipa Iha Simeira Internasionál Mina no Gas. iha Sentru Konvensaun Dili (CCD). Kinta,(03/10/2019). Imajen/Tatoli.

DILI, 12 novembru 2019 (TATOLI)—Laureadu Premiu Nobel da Paz no Eis Prezidente Republika, José Ramos Horta, husu ba juventude sira atu estuda makaas atu nune’e bele kontinua kaer ukun iha futuru hodi buka banati tuir Xanana Gusmão nia lideransa ne’ebe la ta´uk atu foti desizaun.

Eis-Prezidente Repúblika, José Ramos  orta.Imajen/TATOLI

Eis-Diplomata ne’e fó korajen ba jerasaun foun sira iha Loron Nasionál Juventude ba dala-14 ne’e katak atu sai matenek tenke estuda no lee barak tanba atividade rua ne’e mak agora ne’e nasaun ezije husi juventude sira.

Tanba ne’e, nia foti figura Xanana Gusmão hodi motiva jerasaun foun sira tanba Xanana nu’udar ema ida ne’ebé lee no estuda barak. Entaun, juventude sira tenke banati tuir Xanana ninia lideransa ne’ebé sempre brani hasoru dezafiu sira hanesan daudaun Xanana kaer prosesu kona-ba Delimitasaun Fronteira Marítima ne’e hanesan buat ida la vale.

“Ha’u hateten ba ita boot sira, se ha’u mak iha Maun Xanana nia fatin karik, ha’u ta´uk atu kaer prosesu ne’e. Tan ha’u la hatene atu hahú husi ne’ebé. Prosesu kona-ba Delimitasaun Fronteira Marítima ne’e konsidera nu’udar jogadas rezultadu ikus tenke iha manan no lakon. Xanana durante asume pasta nu’udar Prezidente Repúblika, nia asina tanba ne’e interrese estadu,” dehan oradór, José Ramos Horta, iha Centro Convenções de Dili, segunda (11/11/2019).

Tan ne’e, nia hatutan, maske asina duni maibé nia hein oporrunidade no hafuhu tutuir ikus mai nia hetan dalan prosesu ne’e la’o kedan no rezultadu ne’ebé hatudu fronteira marítima sai ona ita nian. Ne’eduni nu’udar jerasaun foun, imi tenke kapasita-aan no prepara-aan ho didi’ak ba atu hasoru mundu globalizasaun ne’ebé sei tuir mai.

“Ha’u dehan ba ita-boot sira kuandu imi la prepara-aan ho didi’ak tinan 10 mai, imi sei hasoru dezafiu boot. Sei kompleksu liután,” nia dehan.

Eis titulár ne’e enkoraza joven sira atu sai ema ida ne’ebé iha kapasidade no kualidade tenke buka referénsia lee barak no akompaña saida mak lider sira halo. Tanba ho nune’e de’it mak bele aumenta esperiénsia no kapasidade hodi bele kontinua hatutan destinu nasaun ne’e nian.

“Purtantu, lideransa Xanana nian nu’udar motivasaun ida mai ita, liuliu ba foinsa’e sira atu konsentra-aan didi’ak iha vida joven nian hodi hakat ba oin,” Ramos Horta apela ba juventude sira.

Jornalista : Tomé Amado

Editór          : Rafy Belo

HAKEREK NO HATÁN

Please enter your comment!
Please enter your name here