Reprezentante ONU iha Timor-Leste, Roy Trivedy. Imajen TATOLI/Cipriano Colo

DILI, 11 November 2019 (TATOLI)-Roy Trivedy nu´udar Koordenadór ba UN rezidénsia iha Timor-Leste (TL) hateten, iha buat tolu importante presiza kontinua iha atu halo progresu ba implementasaun Objetivu Dezenvolvimentu Sustentável (ODS), iha tempu tuir mai.

Notísia relevante:ODS 16 Hanesan Fundamentu Atinje ODS Seluk

Primeiru, ita presiza iha protesaun ba saida maka halo ona iha dékade rua liu ba. Segundu, ita presiza aselera progressu ba iha objetivu ODS no istória ne’ebé dezeña ba iha ODS. Realidade katak objetivu ida sei ajuda ita atu atinje objetivu seluk mós. Ida ne’e presija parseiru asisténsia ne’ebé forte, ba parseiru foun, instituisaun no pasifiku sira. Terseiru, ita presiza iha sasukat ida ba mundu, saida maka presiza halo iha ODS, ita mós tenke rekonsidera fundamentu ba sustentabilidade hosi ita-nia produsaun sistema no konsumu globál iha parte hosi ita-nia planu.

“Timor-Leste presiza asegura progresu ne’ebé halo tiha ona iha faze tuir mai,” Roy Trivedy hateten, iha nia diskursu perante públiku alende timoroan sira inklui reprezentante nasaun 40, iha konferénsia internasionál ODS 16, iha edifísiu Ministériu Finansa, Ai-tarak laran, Dili, ohin.

Notísia relevante:Aprezentasaun Relatóriu ODS iha Nova Iorke, Timor-Leste Hetan Apresiasaun

Nia reforsa, iha TL, iha faze dezenvolvimentu nasaun nian tuir mai, ita presiza asegura katak progresu ne’ebé maka halo ona, pás ne’ebé forte, seguransa no sistema eleitoral ne’ebé iha tinan 20 liubá agora ita presiza aumenta, liuhosi énfaze boot liu no hametin instituisaun no kapasidade individuál ba sidadaun hotu (feto, mane, klosan no idade).

“Iha kontestu ne’e Timor-Leste sei halo esforsu tomak atu dezenvolve sistema boa governasaun, transparansia no kontabilidade ba servisu públiku, promove igualidade jenéru no aumenta inkluzaun sidadaun sira hotu nian sein deskriminasaun, hodi garantia armonia no koesaun sosiál, prevene konflitu no la´o ba oin,” tenik Roy Trivedy.

Notísia relevante:Marina Berg: “Atinje ODS 16 Presiza Iha Kondisaun Demokrasia Ida Di´ak”

Jornalista: Nelia Borges

Editór       : Rafy Belo

HAKEREK NO HATÁN

Please enter your comment!
Please enter your name here