Jogu terseira divizaun LFA époka 2019, entre ekipa YMCA Comoro FC no AS Marca iha Kampu FFTL. Imajen LFA

DILI, 08 novembru 2019 (TATOLI) – Jogu kontinuasaun terseira divizaun Liga Futeból Amadora (LFA) époka 2019 ne’ebé hala’o iha Kampu Federasaun Futeból Timor-Leste (FFTL) sesta ne’e, entre ekipa YMCA Comoro FC no AS Marca, obrigadu tenke fahe pontu ba malu tanba rezultadu ikus empata 1-1.

Golu úniku entre ekipa rua ne’e, hosi YMCA produz hosi jogadór, Jaimito dos Santos iha minutu 17, enkuantu golu ekipa Marca hosi jogadór, Anis Tilman iha minutu 53.

Jogu refere dirije hosi Árbitru maka Romário Malitety, Juíz Liña Juviano Reis, Cristovão Alves no Árbitru Rezerva maka António Pereira.

Maski fahe de’it pontu ba malu, maibé ekipa rua ne’e sei hasoru fali sira nia adversáriu seluk iha jogu tuir mai tanba sistema jogu terseira divizaun tinan ida ne’e diferente ho tinan rua ba kotuk ne’ebé ho sistema lakon sai.

Tanba ne’e, ekipa hirak iha terseira divizaun tenke luta maka’as atu nune’e bele ultrapasa ba segunda divizaun iha tinan oin.

Maski nune’e, klube rua de’it maka sei hakat ba segunda divizaun.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here