Logotipu UNDP

DILI, 08 novembru 2019 (TATOLI)-Organizasaun Nasoins Unida (ONU) ba Programa Dezenvolvimentu (UNDP-sigla Inglés) Projetu-Learn servisu hamutuk ho CNE (Comissão Nacional da Eleições), STAE (Secretariado Tecnico da Administração Eleitoral) no Ministériu Administrasaun Estatál (MAE)  fasilita formasaun jéneru no abordajen integradu jéneru ba partisipante na’in 35 (feto 25 no mane 10).

Formasaun ne’ebé hala’o durante loron rua, kinta-sesta (07-08/11/2019), iha otél Ramelau, Dili, ho objetivu atu aumenta participate sira-nia koñesimentu nune’e sira íntegra asuntu igualdade jéneru, asuntu feto ho mane nian iha sira-nia polítika, planu no mós asegura alokasaun orsamentu iha sira-nia planu asaun anuál tinan-tinan.

Vise Prezidente CNE, Odete Maria Belo, konsidera formasaun ne’e di’ak tebes hodi fahe koñesimentu ba malu atu ida-idak bele aplika tutan fali iha servisu loron-loron nian iha ida-idak nia fatin servisu.

Tuir konsultora nasional UNDP, Ubalda Maria Filipe Alves, hatete, formasaun ne’e atu fasilita hasa’e koñesimentu formandu sira nian atu bele asegura prosesu ba eleisaun ninian no bele promove igualdade jéneru.

Nia haktuir katak, ho formasaun ne’e bele promove sira-nia koñesimentu no sai hanesan Objetivu Dezenvolvimentu Sustentável (ODS).

“Futuru ita hakarak ema nia koñesimentu iha área refere instituisaun bele promove kedas iha sira-nia instituisaun ho nune’e refleta katak nasaun liuliu Governu iha kometimentu bele alkansa igualdade jéneru iha Timor ne’ebé halo kompromisu internasionál hakarak hetan hanesan ODS,” Ubalda hateten.

Parseiru UNDP mai ba programa kapasitasaun igualdade jenériku  maihosi Sekretaria Estadu Igualdade no Inkluzaun (SEII), Unidade Planeamentu Monitorizasaun no Avaliasaun (UPMA), CNE no ativista luta ba igualdade jéneru hanesan Rede Feto Timor Leste (RFTL) liuliu MOFFE.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here