DILI, 08 novembru 2019 (TATOLI)-Uniaun Europeia (UE), aprezenta nia kompromisu atu apoia mákina laboratóriu ida hodi teste ai-moruk droga ba Instituisaun Polisia Sientífika Investigasaun Kriminál (PCIC-sigla portugés).
Kompromisu ne’e hato’o diretamente, ohin, hosi Embaixadór Uniaun Europeia, Andre Jacobs, akompaña hosi Embaixadór Portugal mai Timor-Leste, José Pedro Machado Vieira, durante hasoru malu ho Ministru Justisa, Manuel Cárceres da Costa, iha Ministériu Justisa, Caicoli, Dili.
Ministru Justisa, Manuel Cárceres da Costa, hatete, mezmu nia la lembra kustu ba atu instala no harii laboratóriu teste droga hira, maibé importante mak EU hatudu nia prontidaun no kompromisu hakarak ajuda .
Jornalista : Nelson de Sousa
Editór : Francisco Simões
