Vise-Ministru ba Dezenvolvimentu Estratéjiku Saúde, Bonifácio Maukoli dos Reis.Imajen/Antonio Goncalves

DILI, 08 novembru 2019 (TATOLI)-Atividade Saúde Na Família ne´ebé implementa husi Ministériu Saúde (MS) nafatin la´o iha munisípiu hotu ih territóriu Timor-Leste mezmu uza sistema manuál maibe pesoál saúde sira kontinua vizita komunidade.

“Ha’u hatene katak Munisipiu hotu-hotu atividade Saúde Na Familia la’o ho di’ak  so que ba sistema eletronika ne’e mak sei paradu maibé ba manuál sei kontinua la’o nafatin,” infroma Vise-Ministru Dezenvolvimentu Estratéjiku Saúde, Bonifácio Maucoli ba jornalista sira iha Universidade da Paz (UNPAZ), ohin.

Notísia relevante:Presiza Kompleta Sistema Saúde na Família

Iha fatin hanesan, Diretora Jerál Prestasaun Saúde,  Odete Viegas da Silva reforsa katak Saúde Na Família la’ós paradu maibé médiku sira kontinua hala’o nafatin servisu ne’e maibé sistema eletrónika ne’e mak agora daudaun sei iha prosesu mudansa husi sitema dijitál Saúde Na Família nian.

Diretora Jerál Prestasaun Saúde Odete Viegas da Silva. Imajen: Felicidade Ximenes

Nia hatutan, iha terrenu profisionál saúde sira la’o nafatin tanba iha tinan-2019 ba vizita domisiliáriu ne’e 45%, dalaruma orsamentu ne’e mak sai obstúkulu maibé espera katak Ministériu Saúde bele rezolve liuliu prosesu ba aprovizionamentu no prosesu ba oinsá atu ezekuta orsamentu kada tinan.

“Ne’e mós orientasaun husi Vise-Ministru Dezenvolvimentu Estratéjiku Saúde no Vise-Ministra Kuidadu Saúde Primaria  para oinsá prosesa lalais  ida ne’e maibé to’o ohin loron sistema Saúde Na Família la’o ho di’ak,” informa Diretora Odete Viegas da Silva.

Notísia relevante:Orsamentu Afeta Ba Sistema Rejistu “Saúde na Família”

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here