Ofisiaías F-FDTL iha selebrasaun Aniversariu FALINTIL ba dala-44 iha Kuartél Jenerál F-FDTL, Fatuhada, Dili, 20 Agostu 2019. Imajen/António Gonçalves

DILI, 08 novembru 2019 (TATOLI)-Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, deklara, nia ‘moe’ haree nia membru sira; feto no mane kabun teek. Tanba ne’e, ohin, membru F-FDTL hosi komponente hotu, arranka ba Munisípiu Manufahi hodi partisipa programa marsa forsada hodi hadi’a sira nia kondisaun fíziku no ‘hatún bokur’ .

Notísia Relevante : Governu Aprova Rekrutamentu Soldadu F-FDTL Na’in-600 ba Tinan Oin

“Ha’u haree ita nia soldadu kabun teek ne’e ha’u moe fali,” afirma Xefe Estadu Maiór Jenerál F-FDTL Majór Jenerál Lere Anan Timur ho hamnasa.

Majór Jenerál Lere Anan Timur esplika, marsa forsada  ne’e importante, tanba membru forsa F-FDTL no feto barak durante ne’e ladún treinu sira han hemu too kondisaun fíziku isin no kabu bokur demais.

“Ita nia forsa sira ne’e ita haree balun kabun teek loos, isin bokur entaun forsa sira iha komponente hotu- hotu obrigatóriu semana ida dala rua halo marsa forsada hosi komandante too soldadu,” informa Lere Anan Timur ba jornalista sira iha Metiaut, Dili.

Komandante Lere dehan, durante ne’e nia halo vizita ba forsa komponente F-FDTL nian haree forsa feto no mane barak isin bokur demais.

Membru F-FDTL hosi unidade hotu, kuaze  ema 100 dezloka ba Munisípiu Manufahi hodi hala’o treinamentu marsa forsada durante semana ida.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here