Símbolu partidu KHUNTO. Foto espesiál

DILI, 08 novembru 2019 (TATOLI)—Deputadu Bankada Parlamentár Kmanek Haburas Unidade Timor Oan (KHUNTO), Luís Roberto, la konkorda ho ideia hosi deputadu Partidu Libertasaun Populár (PLP), Sabino Soares ‘Guntur’ tanba prosesu harii Governu ida la’ós fásil.

Deputadu Luís Roberto haktuir mosu liafuan Unidade Nasionál ne’e mak ukun-aan ne’e, maibé otas (era) agora ne’e loloos ne’e ko’alia kona-ba povu nia moris.

“Kuandu iha partidu A ka B hakarak atu kria Unidade Nasionál ida tan para ba serbisu hamutuk hodi kaer Governu, ida-ne’e mós bele, maibé tenke iha desizaun polítika tanba ita harii Governu ida liuhosi desizaun polítika ida hamutuk mak foin bele”, nia dehan ba jornalista sira, iha resintu Parlamentu Nasionál, sesta ne’e.

Lee mós: PLP Propoin Ukun Hamutuk, FRETILIN Konsidera La’ós Fásil

Nia rekoñese laiha partidu ida manán maioria iha rai ida-ne’e, tanba ne’e laiha ema ida mak atu ko’alia tuir nia hakarak bainhira Governu atuál la’o di’ak hela.

“Ne’ebé, atu hakotu impase polítika, atu kria fali Governu Unidade Nasionál para serbisu hamutuk mós tenke liuhosi desizaun polítika ida hodi deside bele ka lae”, Luís realsa.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here