Vise-Governadór Banku Sentrál TL, Venancio Alves Maria. Imajen António Gonçalves.

DILI, 08 novembru 2019 (TATOLI) – Banku Sentrál Timor-Leste (BSTL) transfere tan ona osan hamutuk millaun $98 hosi Fundu Petróleu hodi finansia Orsamentu Jerál Estadu (OJE) 2019.

“Horiseik mak ami transfere tan millaun $98. Ami depende de’it ba Governu, kualkér momentu kuandu Governu haruka instrusaun mai dehan transfere tan, Banku Sentrál sempre transfere tuir buat ne’ebé maka aprovadu ona iha Lei Orsamentu”, hateten Vise-Governadór BSTL, Venancio Alves Maria, iha ámbitu lansamentu relatóriu trimestrál Fundu Mina-rai Timor-Leste nian ne’ebé termina iha 30 setembru 2019, iha BSTL, ohin.

Vise-Governadór ne’e afirma, antes ne’e, iha trimestre dahuluk to’o setembru transfere ona millaun $420. “Tanba ne’e, BSTL transfere ona montante millaun $518”, dehan Venancio.

Entretantu, orsamentu ne’ebé foti hosi Fundu Mina-rai hodi finansia OJE 2019 hamutuk millaun $982,5.

Notísia relevante : BSTL Transfere ona Millaun $420 Hosi Fundu Petróleu Hodi Finansia OJE 2019

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here