Diretór Ezekutivu Nasionál CDT-TL, Constâncio Conceição Pinto. Imajen TATOLI/Egas Cristovão

DILI, 7 novembru 2019 (TATOLI) – Kinta ne’e iha Sentru Konvensaun Dili (CCD-sigla Portugés), Komité Orientadór 25 (CO25-sigla Portugés)  lansa buletin daruak ho títulu “Prizaun Nakloke”.

Prezidente CO2, Constâncio Pinto esplika, “Prizaun Nakloke” ne’e ho nia sintidu katak iha momentu okupasaun Indonézia iha Timor-Leste, Prizaun ida ne’ebé taka metin no komunidade internasionál sira mós la asesu. Maibé, to’o ikus konsege nakloke-aan ba mundu.

“Iha momentu ne’ebá ita povu Timor-Leste moris iha presaun ida nia laran hosi militár Indonézia no la nakloke ba komunidade internasionál sira atu asesu,” nia haktuir.

Nia hatutan, iha buletin laran iha istória individuál balun kona-ba esperiénsia ne’ebé iha Prizaun hanesan Ataúro, Baucau no seluk-tan.

“Ohin halo lansamentu ba buletin komité nian. Revista ida-ne’e loke ba públiku. Sidadaun sira-ne’ebé mak hakarak kontinua sira-nia istória kona-ba partisipasaun rezisténsia bele hakerek ba iha revista ne’e no revista ne’e hetan ona akreditasaun hosi internasionál,” Constâncio esplika.

Buletin refere lansa direta hosi Majór Jenerál Lere Anan Timur akompaña hosi Prezidente CO25 no membru Parlamentu Nasionál balun.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here