Xefe Bankada CNRT, Duarte Nunes. Imajen Tatoli/Egas Cristóvão

DILI, 07 novembru 2019 (TATOLI)—Partidu Congresso Nacional da Reconstrução de Timor (CNRT) hein Prezidente Repúblika, Francisco Guterres ‘Lú Olo’ hatudu evidénsia krime hafoin bele troka ema na’in-hitu ne’e.

Xefe Bankada Parlamentár CNRT, Duarte Nunes, hateten Prezidente Repúblika ne’e unipesoál, tan ne’e nia hola desizaun la’ós tanba asesór ka tanba partidu ida-ne’ebé mak ko’alia, maibé nia deside tanba nia hatene mak deside.

“Se Prezidente Repúblika razaun iha ami troka kle’ur tiha ona. Razaun dehan ema ne’e komete krime ka ema ne’e korruptór tenke fó razaun. Razaun ne’e só mai hosi Tribunál tanba durante ne’e ami seidauk simu razaun forte”, nia dehan ba jornalista sira, iha Parlamentu Nasionál, kinta ne’e.

Lee mós: Deputada KHUNTO Kestiona CNRT Lakohi Troka Ema Na’in-Hitu

Nia afirma, sé-sé de’it labele akuza ema arbiru bainhira laiha evidénsia. Tribunál mak bele fó-sai evidénsia kuandu ema ida komete krime ka korrupsaun.

Purtantu, Vise-Xefe Bankada Parlamentár FRETILIN, Francisco Miranda Branco, dehan loloos ne’e bele troka ona ema na’in-sia ne’e tanba AMP liuliu CNRT iha matenek barak.

“Aliansa Mudansa ba Progresu (AMP) iha progresu ka matenek barak, tanba ne’e la divia depende ba ema na’in-sia ne’e”, Branco haktuir.

Jornalista: Evaristo Soares Martins

Editór: Xisto Freitas

1 KOMENTÁRIU

  1. Hau dala ruma la komprende ou lae finjidu karik,i balun dehan troka nain sia hanesan fali sira ho sira nia ekipa ba joga torneio manan tia too oras atu simu tasa e laos ekipa ida manan nè ekipa seluk mak baa foti tasa

HAKEREK NO HATÁN

Please enter your comment!
Please enter your name here