Kompania Chettlyne Construction Unipessoal Lda, assina kontratŭ ho SEKoop, Arsenio Pereira, ba reabilitasaun edifisiu SEKoop nian. Imajen/Tatoli Natalino da Costa.

DILI, 07 novembru 2019 (TATOLI) – Kompañia Chettlyne Construction Unip, Lda, asina ona akordu ho Sekretáriu Estadu Kooperativa (SEKoop), Arsénio Pereira da Silva, hodi halo reabilitasaun ba edifísiu SEKoop nian.

Diretora kompañia Chettlyne Construction, Recardina Correia Guterres, hateten nia parte, ohin, asina akordu ho SEKoop hodi halo reabilitasaun ba edifísiu ne’ebé iha kontratu ne’e halo durante fulan tolu. Nune’e nia garante katak sei reabilita instalasaun ne’e remata tuir tempu.

“Reabilitasaun edifísiu SEKoop ne’e sei hahú ohin, kinta-feira loraik tuku rua iha fatin Akait eis embaixada Portugál nian”, Ricardina ba jornalista sira hafoin asina akordu ho SEKoop iha Mandarin.

Diretora kompañia ne’e hateten dezde iha 2009, nia empreza ne’e espesífiku halo konstrusaun ba edifísiu no igreja de’it, hanesan halo instalasaun Pradet iha Bidau, sala raiu-xís iha HNGV, no edifísiu auto club no seluk tan iha Dili laran.

SEKoop Arsenio Pereira dehan prosesu sira ba reabilitasaun edifísiu ne’e aprova ona husi aprovizionamentu ne’ebé liuhusi konkursu no SEKoop halo kontratu ho kompañia ne’e atu halo reabilitasaun.

Governante ne’e dehan iha 2018, Ministériu Justisa liberta edifísiu Akait no liuhusi Terra no Propriedade, oferese atu reabilita ba SEKoop nia edifísiu.

Orsamentu ba iha reabilitasaun ne’e rasik mai husi verba SEKoop nian iha 2019 hamutuk rihun $108 no tékniku SEKoop halo levantamentu hodi submete ba Ajénsia Dezenvolvimentu Nasionál hodi halo fali verifikasaun no aumenta osan ba $128.235, maibé kompañia ne’ebé manán iha konkursu ne’e ho osan hamutuk rihun $103,57.

Sekretáriu Estadu ne’e afirma prosesu sira ne’e la’o ho transparénsia tuir prosesu aprovizionamentu.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here