Matebian Constâncio da Costa dos Santos (Aquita Tama Laka). Imajen/foti hosi kronolojia Facebook Aquita Tama Laka Nofi

DILI, 06 novembru 2019 (TATOLI) –Prezidente Partidu Sosialista Timorense (PST) nu’udar mós lider ida ba organizasaun rezisténsia Brigada Negra, Avelino Coelho, sei haruka karta ba Prezidente Repúblika, Francisco Guterres “Lú Olo” ho Xefe Estadu Maiór FALINTIL-Forsa Defeza Timor-Leste (F-FDTL), Major Jenerál Lere Anan Timur, atu konsidera matebian Constâncio da Costa dos Santos (Aquita Tama Laka) hanesan mós eroi sira seluk hodi haloot iha Jardín Eroi Metinaro.

Notísia Relevante : In Memoriam: Adeus Funu-Na’in no Eroi Boot Aquita Tama Laka!

“Ha’u hatene saudozu Akita Tama Laka asume kargu lubuk ida no ema rezisténsia ida ne’ebé mak servisu hamutuk ho ha’u assume kargu hanesan Komisáriu Polítiku PST ba zona Semarang, Salah Tiga, iha tinan 1995 kria forsa espesiál FALINTIL ninian hanesan Brigada Negra, maun Boot Kayrala Xanana Gusmão nomea saudoza Akita Tama Laka nu’udar komandante operasionál no ha’u rasik mak fó posse nia atu sai komandante,” informa Avelino Coelho,  Ajénsia TATOLI bainhira remata konsulta publika lei kostumeiru no justisa tradisionál iha salaun Parokiál Ossu, Viqueque, tersa (05/11/2019).

Nia dehan, iha períodu ne’e mak militár Indonézia kaer saudozu no sai nu’udar kondenadu ba tinan 20 iha prizaun tanba lori kilat musan no material funu a nian, bainhira atu hakaat liu Portu Dili ninian. Maibé, kadeia de’it iha tinan balun nia laran, saudozu halai ba iha ai-laran hamutuk ho forsa FALINTIL ne’ebé lidera husi komandante Falur Rate Laek.

Avelino fó sasin, bainhira funu remata asume kargu hanesan komisáriu polítiku partidu PST ninian iha Liquiça, iha tinan 2015 eleitu ba sai nu’udar vise prezidente partidu PST nian. Tanba nee,  Avelino konsidera Aquita Tama Laka nia mate hanesan lakon boot ida ba Timor Leste, tanba saudozu mós fó kontribuisaun ativu iha luta Timor-Leste.

“Ami hotu sente lakon no triste tanba ninia mate husik misaun ida ne’ebé mak seidauk kompletu tanba saudozu mós nu’udar jerasaun foun ida,” tenik Avelino Coelho.

Jornalista : Domingos Piedade Freitas

Editór        : Francisco Simões

HAKEREK NO HATÁN

Please enter your comment!
Please enter your name here