Juis Administradór foun na’in tolu ne’ebé simu pose hosi Prezidente Tribunál Rekursu (PTR), Deolindo dos Santos, kompostu hosi Juis Administradór Tribunal Distritál Dili (TDD), Afonso Carmona, Juis Administradór Suai, José Maria de Araújo ho Juis Administradór Baucau, José Gonçalves, kinta (24/10/2019). Imajen/Domingos Piedade

DILI, 06 novembru 2019 (TATOLI)-Tribunál Rekursu husu ba Komisaun A Parlamentu Nasionál asuntu Justisa no Konstituisaun atu konsidera proposta Tribunal Rekursu nian  hodi prevee subsídiu espesiál ba asisténsia saúde juis sira.

Notísia Relevante : TR Prevee Millaun $9,175,794 iha OJE 2020

Prezidente Tribunal Rekursu, Deolindo dos Santos. Imajen/Antonio Goncalves

Prezidente Tribunál Rekursu, Deolindo dos Santos dehan, subsídiu asisténsia saúde ne’e importante tanba juis sira halo servisu presiza hetan mós asisténsia saúde espesiál. Basa, durante ne’e juis balun halo servisu moras no balun mate tanba nunka hetan tratamentu saúde.

“Ami hato’o mós pedidu ba Komisaun A Parlamentu Nasionál kona-ba subsídiu espesiál asisténsia saúde ba juis sira hotu. Ita hotu hatene juis sira halo servisu presiza iha check-up médiku para sira bele kontrola sira nia saúde,” hateten PTR Deolindo dos Santos, ohin, bainhira aprezenta proposta OJE Tribunal Rekursu nian ba Komisaun A iha PN.

Totál subsídiu ne’ebé tribunál husu hamutuk rihun $144 ba juis sira hamutuk na’in 36  no husu atu Parlamentu Nasionál bele konsidera hodi implementa iha tinan 2020.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here