Prezidente ANPM Gualdino da Silva. Imajen/Tatoli.

DILI, 05 novembru 2019 (TATOLI) – Prezidente Autoridade Nasionál Petróleu no Minerál (ANPM), Gualdino da Silva, hatete hafoin lansa konkursu públiku ba mina no gás hamutuk bloku 18 iha loron rua (3-4 outubru), ANPM hahú halo promosaun rikusoin ba dahuluk iha Singapura.

“Ita hahú tiha ona fulan kotuk (outubru), ita-nia ekipa sira bá uluk Singapura hodi promove rikusoin mina no gás ne’ebé ita iha ba empreza sira iha fatin refere”, Prezidente ANPM ba Tatoli iha Parlamentu Nasionál, ohin.

Gualdino da Silva dehan iha fulan ne’e (novembru), ekipa ANPM hahú prepara atu bá Abu Dhabi-Uni Emirat Arab, hafoin bá Londres. “Agora ita prepara tan atu Abu-Dhabi, pois ba Londres no molok fim do ano ita sei la’o tan dala rua hanesan ne’e”, katak.

Nia adianta tinan oin, ekipa promosaun ANPM hahú konsentra ona iha Austrália no nasaun Ázia sira hanesan Xina.

“Tinan oin, ita konsentra iha Austrália no A Ázia hanesan China no bele finaliza iha fulan-marsu tinan oin ka molok konkursu públiku ba mina no gás hamutuk bloku foun 18 taka”, Gualdino afirma.

Nune’e, hala’o jornada durante fulan neen hodi promove rikusoin Timor- Leste ba Mundu liuliu bá nasaun indústria petróleu nia-sira hodi ema bele mai investe.

Promosaun ne’e, Prezidente ANPM  salienta liuhusi semináriu internasionál  sira hodi esplika área potensialidade mina no gás ne’ebé Timor-Leste iha, espesífiku esplika ambiente investimentu, rejime legál, rejime kontratuál no rejime fiskál.

Timor-Leste halo ona abertura Simeira internasionál kona-ba Petróleu no Gás Timor-Leste “Timor-Leste Oil & Gas Summit Nasionál Petróleu 2019″ ho objetivu atu promove no buka rede inklui loke odamatan ba investidór ba iha atividade petrolífera. Enkuantu konkursu públiku ba mina no gás hamutuk bloku 18 ne’e lansa direita husi Primeiru-Ministru Taur Matan Ruak.

Notísia relevante : ANPM sei “Hale’u Mundu” Promove Rikusoin Timor-Leste

Ohin, Simeira Internasionál Mina no Gás no Lansamentu Segunda Ronda Kontratu Fahe Produsaun

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here