Ilustrasaun labele fuma

DILI, 04 novembru 2019 (TATOLI)-Ospitál Nasionál Guido Valadares (HNGV) iha périodu outubru nia laran rejista katak moras sira ne´ebé mak nia númeru aas liu mak infesaun vias respiratória.

Xefe Unidade Banku Emerjénsia HNGV, Luciana Celeste Amaral ba jornalista sira esplika moras infesaun vias respiratória ne´e mosu tanba fatór klima ne´ebé hamosu rai rahun no halo fatin sira la moos no mós sigarru su´ar.

Notísia relevante:Epidemia Fuma Iha Timor-Leste  

“Kauza seluk mak horon sigarru su´ar pasivu bele da´et hodi hetan me´ar no iis boot,” dehan Xefe Luciana Celeste Amaral, iha HNGV, segunda (04/11/2019).

Nia relata, iha outubru nian laran, pasiente sira ne’ebé mak halo tratamentu ba moras infesaun vias respiratória iha HNGV hamutuk 214, asidente ho motor hamutuk 125 no asidente ho karreta hamutuk 30

Pasiente ne’ebé mak mate iha sala emerjénsia hamutuk nain hitu, no na´in tolu mak mate iha dalan mak mai too iha HNGV; hamutuk na´in 10  kazu mate ne’e kazu interna nian vias respiratária. “Husi na´in 10 ne’ebé mate iha sala emerjénsia ne’e husi idade adultu 25 ba leten,” informa Médika Luciana Celeste.

Notísia relevante:Labele Fuma Iha Fatin Públiku

Profisionál saúde timoroan ne´e haktuir tan, hanesan baibain sala emerjénsia halo atendimentu rutina ba pasiente sira ne’ebé tama  iha sala emerjénsia hod bele atedimentu liu-liu ba kategoria ne’ebé mak moras tama hanesan moras todan, moras kamaan depois nutrias ne’e mak halo selesaun  ba moras sira ne’e hodi bele fahe moras sira ne’e. “Se moras kamaan nafatin iha sala emerjénsia hodi halo tratamentu ho dignu”.

Notísia relevante:Infesaun Vias Respiratória Ho Pneumonia Rejistadu Aas Iha Sentru Saúde Vera Cruz

Jornalista : Felicidade Ximenes

Editór       : Rafy Belo 

HAKEREK NO HATÁN

Please enter your comment!
Please enter your name here