Membru FOHN, José Manuel Freitas.Foto TATOLI: Tomé Amado

DILI, 30 outubru 2019 (TATOLI)-Forum Organizasaun Hadomi Natureza (FOHN) Timor-Leste husu Sekretáriu Estadu Meiu Ambiente (SEMA) atu kria sistema ida adekuadu hodi bele monitoriza no kontrolu ambientál atu labele akontese tan inséndiu no kria lei espesializada ambientál  kona-ba responsabilidade administrasaun no responsabilidade sívil atu nune’e entidade públika, privada no mós sosiadade sira ne’ebé mak halo aktu ne´e ne’e sei responsabiliza tuir baze legál ne’ebé iha ona.

“Ami-nia rekomendasaun ne’e husu atu sistema kontrolu ka monitorizasaun ne’e tenke hetan partisipasaun husi autoridade lokál sira,” friza membru FOHN, José Manuel Freitas ba Ajénsia TATOLI iha Kampus Fakuldade Ekonomia no Jestaun, Universidade Nasionál Timor Lorosa’e (UNTL), ohin.

Nia hateten, presiza aplika lei tara bandu ba ema hotu atu nune’e bele prezerva no konserva meu ambiente ba uzu sustentavel no ba prosesu dezenvolvimentu atividade ambientál nian.

Husu mós SEMA atu kria formasaun ba ekipa Buska no Resgate ka SAR (Search SAR) atu nune’e kuandu mosu insendu bele lalais alarma perigu ne’ebé akontese inklui oinsá bele ajuda komunidade ka vizitant sira husi perigu sira ne’e.

Maibé importante liu atu prevene ambientál husi insendiu presiza partisipasaun husi autoridade lokál, lia na’in ho parte relevante sira tenke halo akordu atu nune’e bele sai baze legál ida katak foho la´ós fatin soe fo´er, sunu du’ut no tesi ai.

Tanba iha semana ne’e mosu dezastre bo’ot ida ne’ebé la espera ahi han foho Ramelau, Matebian,  Kablaki no foho balun iha Ermera.

“Ida ne’e hatudu katak to’o agora konsiénsia ema nian atu kuidade rikeza sira ne’e seidauk iha. Razaun fundamentál ne’ebé presiza hetan atensaun husi parte hotu mak ninia impaktu sei estraga biodiversidade,”konsidera estudante UNTL ne´e.

José Freitas haktuir tan iha posiblidade ba Grupu órgaun, organizasaun no asosiasaun sira bele halo maibé presiza mak lei espesializada kona-ba ezisténsia, lei asosiasaun defeza meiu ambiente nian tenki iha atu nune’e bele fó biban no legalidade atu bele hala’o serbisu ho di´ak liu

Jornalista :Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here