Lansamentu portál inglés TATOLI,IP. Imajen/Tatoli Egas Cristovao

DILI, 30 outubru 2019 (TATOLI) – Sekretáriu Estadu Komunikasaun Sosiál, Merício Juvinal dos Reis ‘Akara’, hateten Tatoli.IP tenke sai hanesan Ajénsia Notisioza Internasionál sira ne’ebé hamriik ho kualidade.

“Ajénsia Notisioza Estadu nian ida ne’e tenke iha kualidade hodi halo ninia knaar hanesan Ajénsia Notisioza sira hanesan Antara, Lusa, Bernama, AFP no seluk tan ne’ebé agora hamriik hela iha mundu ho kualidade tebes,” tenik Akara iha lansamentu pájina versaun inglés Tatoli, iha Palásiu Governu, kuarta ne’e.

Nune’e, governante ne’e apela ba Ajénsia Estadu ne’e hodi reprezenta Timor-Leste, hodi hatudu katak Estadu bele orgullu ba ninia rekusu.

Nia dehan, atu garante Tatoli ninia kualidade, Governu sein rezerva atu fó apoiu iha ninia prosesu hotu.

“Governu nia kompromisu maka kontinua tau matan no ajuda nafatin Tatoli atu bele garante kualidade iha informasaun ba mundu tomak hodi bele asesu,” nia promete.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here