Ministru Agrikultura no Peska, Joaquim José Gusmão dos Reis Martins, kuarta, (19/2/2019). Imajen Egas Cristovão.

DILI, 28 outubru 2019 (TATOLI) – Ministru Agrikultura no Peska (MAP), Joaquim José Gusmão dos Reis Martins, hateten Ministériu Agrikultura no Peska (MAP) hasoru difikuldade iha ezekusaun Orsamentu Jerál Estadu (OJE) 2019.

“Konserteza hasoru difikuldade. Saida maka difikulta ami iha ezekusaun, liuliu iha prosesu aprovizionamentu ne’ebé maka la’o tarde, balu tau tiha ona iha ajenda no halo aprovizionamentu depois ida manán ne’e nia hakiduk tiha, ne’e afeta hotu ba planu ne’ebé iha”, dehan Ministru Joaquim José Gusmão ba Tatoli iha Parlamentu Nasionál, ohin.

“Ezemplu empreza ida manán tiha atu sosa fini, maibé derrepente nia hakiduk tiha no udan atu mai daudaun ona, maibé labele hala’o planu ne’e tanba tenke halo fali konkursu foun”, ministru afirma.

Governante ne’e mós salienta, iha 2019, planu ne’ebé atinje ona maka hanesan hasa’e produsaun ba porsentu 40, estabelese loja agrikultura, apoia grupu hakiak ikan, karau no manu.

Nune’e mós iha área peska nian, hanesan dezenvolve tanke hakiak ikan hamutuk ualu, ajuda grupu peskadór sira.

Kona-ba ezekusaun OJE 2019 iha Ministériu Agrikultura no Peska atinje ona porsentu 70 husi orijen hamutuk millaun $14.

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here